ຢ່າໃຈຮ້າຍ
ລາວໄດ້ເລົ່າການປ່ຽນແປງຂອງຕົນສູ່ພໍ່ຟັງ. ພໍ່ຟັງແລ້ວກໍ່ບອກລູກວ່າ: "ຖ້າວ່າມື້ໃດ, ລູກບໍ່ໄດ້ໃຈຮ້າຍໝົດມື້, ກໍ່ໃຫ້ລູກງັດເອົາຕະປູ ອອກມາຈາກຮາວດອກໜຶ່ງ." ເວລາຜ່ານໄປຫຼາຍມື້, ເດັກຊາຍກໍໄດ້ງັດເອົາຕະປູອອກຈາກຮາວໄມ້ຈົນໝົດ.
ພໍ່ຈູງແຂນລູກຍ່າງໄປຫາຮາວໄມ້ແລ້ວ, ເວົ້າວ່າ: "ລູກເຮັດໄດ້ດີຫຼາຍ, ແຕ່ວ່າ, ລູກເບິ່ງ, ຮາວໄມ້ເປັນຮູນ້ອຍໆເຕັມໄປໝົດຍ້ອນເຄີຍຖືກຕອກຕະປູໃສ່, ມັນຈະດີຄືນຄືເກົ່າບໍ່ໄດ້ອີກແລ້ວ. ເຊັ່ນດຽວກັນ, ເມື່ອລູກຮ້າຍໃສ່ຜູ້ອື່ນແລ້ວ, ຄວາມໃຈຮ້າຍຂອງລູກກໍຄືກັບຮູຕະປູເຫຼົ່ານີ້, ມັນຈະກາຍເປັນຮອຍແປ້ວຢູ່ໃນໃຈຂອງຜູ້ອື່ນ. ລູກດ່າຜູ້ອື່ນກໍເໝືອນກັບເອົາມີດແທງໃສ່ໃຈຂອງຜູ້ອື່ນ, ແລ້ວຖອດອອກມາ. ບໍ່ວ່າເຈົ້າຈະເຮັດແນວໃດເພື່ອທົດແທນຄືນ, ບາດແຜນັ້ນກໍ່ຈະມີຢູ່ຈັ່ງຊັ້ນຕະຫຼອດໄປ."
