ການຫວນຄືນອະດີດ
(GMT+08:00) 2012-03-14 15:06:27 cri
ຄົນເຮົາມັກຫວນຄືນເຖິງຄວາມຫຼັງໂດຍບໍ່ຮູ້ສຶກຕົວ, ແຕ່ວ່າການຫວນຄືນນັ້ນແມ່ນຫຍັງ? ແມ່ນການກວດສອບຊີວິດຂອງຕົນ, ແມ່ນການຫວນຄິດເຖິງຊີວິດອັນຈົບງາມໃນອະດີດ ຫຼືອາດຈະເປັນການຫວນຄືນເຖິງໄວເຍົາ...
ການຫວນຄືນອະດີດເຕັມໄປດ້ວຍສີສັນຕ່າງໆ, ຄວາມສຳເລັດຜົນແມ່ນສີຄຳ, ຄວາມຫຼົ້ມເຫຼວແມ່ນສີຂີ້ເທົ່າ, ໄວຄະນອງແມ່ນສີຂຽວ…… ປະສົບການທີ່ຕ່າງກັນໄດ້ຕື່ມສີສັນຕ່າງກັນໃຫ້ແກ່ການຫວນຄືນອະດີດຂອງພວກເຮົາ.
ເມື່ອປະສົບຄວາມຫຼົ້ມເຫຼວດ້ານຄວາມຮັກຫຼືວຽກງານແລ້ວ, ບາງຄົນກໍ່ມີແຕ່ຄິດຫວນຄືນເລື່ອງເກົ່າເລື່ອງຫຼັງຢູ່ບໍ່ເລີກບໍ່ແລ້ວ, ບໍ່ມີຄວາມໝັ້ນໃຈຕໍ່ຕົນເອງໃນຊີວິດຕົວຈິງ, ແຕ່ວ່າ, ມີໃຜຮູ້ວ່າ ຄວາມໝາຍແທ້ຈິງຂອງມັນແມ່ນຫຍັງ?
