ເບິ່ງໂລກໃນແງ່ດີແລະແງ່ຮ້າຍ
(GMT+08:00) 2012-03-28 15:46:34 cri
ຄົນທີ່ມັກເຫັນເລື່ອງຕ່າງໆໄປໃນແງ່ຮ້າຍນັ້ນ, ຈະເຮັດໃຫ້ເສັ້ນທາງຊີວິດຂອງຕົນນັບມື້ນັບແຄບເຂົ້າ, ຄົນທີ່ມັກເຫັນເລື່ອງຕ່າງໆໄປໃນແງ່ດີນັ້ນ, ຈະເຮັດໃຫ້ເສັ້ນທາງຊີວິດຂອງຕົນນັບມື້ນັບກວ້າງອອກ, ສະນັ້ນ, ສາມາດເວົ້າໄດ້ວ່າ, ການເລືອກເອົາທ່າທີເຫັນໄປໃນແງ່ດີແມ່ນຄວາມສະຫຼາດສະຫຼຽວຢ່າງໜຶ່ງ. ມີຄວາມເວົ້າຄວາມໜຶ່ງເວົ້າວ່າ: ບາງທີ່, ສິ່ງໃດສິ່ງໜຶ່ງຈະແມ່ນຫຍັງກໍ່ຕາມ, ມັນຂຶ້ນກັບວ່າ, ໃນສາຍຕາຂອງເຮົານັ້ນ ຈະເບິ່ງມັນແບບໃດນັ້ນຄືສິ່ງທີ່ສຳຄັນກວ່າ. ຖ້າເຮົາຮູ້ສຶກວ່າຊີວິດຂອງຕົນເອງບໍ່ເປັນຕາຢູ່, ເຮົາກໍ່ຈະບໍ່ມີຄວາມສຸກຢ່າງແນ່ນອນ. ເມື່ອເຮົາຖືຊີວິດເປັນເງິນເປັນຄຳ, ທຸກມື້ຂອງເຮົາກໍຈະມີຄວາມມ່ວນຊື່ນ.
ຄົນເຮົາດຳລົງຊີວິດໃນໂລກນີ້, ເລື່ອງທີ່ບໍ່ສົມຫວັງໄດ້ນັ້ນຈະມີເຖິງ 80% ຫຼື 90%, ນີ້ແມ່ນຄວາມເປັນຈິງທີ່ຫຼີກເວັ້ນບໍ່ໄດ້, ຖ້າຫຼີກເວັ້ນບໍ່ໄດ້, ຈະເສົ້າໝອງໃຈແລະເບິ່ງໂລກໄປໃນແງ່ຮ້າຍເຮັດຫຍັງ! ສະນັ້ນ, ທາງທີ່ດີແມ່ນຕ້ອງຕັ້ງໜ້າຫາວິທີແກ້ໄຂບັນຫາໃຫ້ຕົກ, ເອົາຊະນະມັນ, ຜາບແພ້ມັນຈະດີກວ່າ.
ລອງເບິ່ງວ່າ, ຖ້າພວກເຮົາຍີ້ມແຍ້ມແຈ່ມໃສໃນແຕ່ລະມື້, ຊີວິດຂອງພວກເຮົາຈະເປັນແນວໃດ? ດ້ວຍຄວາມຍິ້ມແຍ້ມແຈ່ມໃສ, ກໍ່ຈະມີຄວາມອາດເປັນໄປໄດ້ທີ່ຈະຜ່ານຜ່າສິ່ງກີດຂວາງຕ່າງໆ, ດ້ວຍຄວາມຍິ້ມແຍ້ມແຈ່ມໃສ, ກໍ່ຈະສາມາດປ່ຽນແປງສະພາບການທີ່ບໍ່ດີເທື່ອລະກ້າວ. ບໍ່ວ່າພວກເຮົາຈະປະສົບບັນຫາຫຍັງກໍຕາມ, ຢ່າລືມ ຈົ່ງເອົາຊະນະບັນຫານັ້ນດ້ວຍຄວາມຍິ້ມແຍ້ມແຈ່ມໃສ.
