ການດີດພິນ(ສຽງ)
(GMT+08:00) 2012-04-06 17:04:32 cri
ຜູ້ດີດພິນຕ້ອງເຄົາລົບພິນ, ການນຸ່ງຖືຕ້ອງສະອາດ, ສຸພາບ, ຮຽບຮ້ອຍ. ຕ້ອງເອົາໃຈໃສ່ກິລິຍາທ່າທາງ, ນັ່ງແບບຄ່ຽງຄົມ, ສຸພາບ, ບໍ່ໃຊ້ເລ່ລ່ຽມມາຍາ. ຖ້າວ່າຝົນຟ້າຄະນອງ, ອາກາດບໍ່ດີບໍ່ຄວນດີດ, ຢູ່ບ່ອນທີ່ບົນແຊວບໍ່ດີດ, ຢູ່ຕໍ່ໜ້າຜູ້ທີ່ຫຍາບຄາຍບໍ່ດີດ, ບໍ່ມີບ່ອນນັ່ງກໍ່ບໍ່ດີດ, ຮ່າງກາຍບໍ່ສະອາດກໍ່ບໍ່ດີດ, ໃຈບໍ່ສະຫງົບກໍ່ບໍ່ຄວນດີດ. ໃຈຂອງຜູ້ດີດຕ້ອງບໍລິສຸດຜຸດຜ່ອງ, ບໍ່ຄວນໃຊ້ສຽງພິນໄປເອົາອົກເອົາໃຈພວກເຈົ້ານາຍແລະພວກມີເງິນທີ່ບໍ່ຮູ້ເລິກເຊິ່ງຊີວິດຈິດໃຈຂອງພິນ.
ສະຫຼຸບແລ້ວ, ການດີດພິນແມ່ນເລື່ອງທີ່ພິຖີພິຖັນຫຼາຍ.
ໃນສັງຄົມປະຈຸບັນທີ່ນັບມື້ນັບບົນແຊວຂຶ້ນ, ຄວາມງຽບສະຫງົບຂອງສະພາບແວດລ້ອມນັບມື້ນັບຫາຍໄປ, ຄຽງຄູ່ກັນນັ້ນ, ຄວາມງຽບສະຫງົບໃນຈິດໃຈຂອງຄົນເຮົາກໍ່ຄ່ອຍໆຫາຍໄປເຊັ່ນກັນ. ພິນ——ເຄື່ອງເສບທີ່ເຄີຍມີຄວາມສຳຄັນຫຼາຍໃນວັດທະນະທຳຂອງຈີນມາເປັນເວລາຫຼາຍພັນປີນັ້ນ ກໍ່ນັບມື້ນັບໄກຈາກຊີວິດຂອງຄົນຈີນໄປ, ໃນສະຕະວັດທີ່ແລ້ວນີ້, ເຄີຍມີໄລຍະໜຶ່ງ, ຢູ່ທົ່ວປະເທດຈີນ, ຜູ້ທີ່ດີດພິນເປັນນັ້ນບໍ່ຮອດ 100 ຄົນ…
