ການດີດພິນ(ສຽງ)
(GMT+08:00) 2012-04-06 17:04:32 cri
ປີ 2003, ສະຫະປະຊາຊາດໄດ້ຈັດ "ພິນ" ເຂົ້າເປັນ "ມໍລະດົກໂລກທີ່ບໍ່ແມ່ນວັດຖຸຂອງມະນຸດ", ປີ 2006, ລັດຖະບານຈີນໄດ້ຈັດ "ສີລະປະພິນ" ເຂົ້າເປັນມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດງວດທຳອິດ. ຊຸມປີມໍ່ໆມານີ້, ພິນເລີ່ມໄດ້ຮັບຄວາມສົນໃຈຈາກຄົນຈີນຄືນໃໝ່, ຜູ້ຮຽນການດີດພິນກໍ່ນັບມື້ນັບຫຼາຍຂຶ້ນ.
ປີກ່ອນ, ວິໄລວັນກໍ່ເລີ່ມໄປຮຽນການດີດພິນ, ມາຮອດປະຈຸບັນນີ້, ກໍ່ຮຽນປີເຄິ່ງແລ້ວ. ໃນໜຶ່ງປີເຄິ່ງນີ້, ວິໄລວັນໄດ້ສຳຜັດກັບວັດທະນະທຳດີເລີດຂອງຈີນຫຼາຍກວ່າເກົ່າ, ມີຄວາມພາກພູມໃຈຕໍ່ຊົນຊາດຕົນຫຼາຍກວ່າເກົ່າ. ອາຈານສອນການດີດພິນບອກວິໄລວັນວ່າ, ຢາກດີດພິນໃຫ້ດີ, ຕ້ອງຝຶກຈິດໃຈຂອງຕົນ, ສ້າງຈິດໃຈໃຫ້ງົດງາມ, ມີຄຸນສົມບັດດີ, ນອກນັ້ນ, ຍັງຕ້ອງອ່ານປຶ້ມກ່ຽວກັບວັດທະນະທຳຈີນໃຫ້ຫຼາຍໆ, ຄວາມຮູ້ໃນຫຼາຍໆດ້ານຂອງວັດທະນະທຳຈີນ ຈະເປັນກົກຮາກ ບຳລຸງສີມືການດີດພິນຂອງຜູ້ດີດ. ຕໍ່ໄປ, ວິໄລວັນຈະພະຍາຍາມຮຽນການດີດພິນຕໍ່, ພະຍາຍາມສ້າງຕົວເອງໃຫ້ເປັນ "ຄົນຈີນແທ້ໆ". ມື້ໜ້າ, ເມື່ອວິໄລວັນມີລູກແລ້ວ, ກໍ່ຈະສອນໃຫ້ລູກສືບທອດວັດທະນະທຳທີ່ດີເລີດຂອງຊົນເຜົ່າຕົນ, ຕ້ອງເປັນ "ຄົນຈີນຮ້ອຍເປີເຊັນ" ກ່ອນ, ແລ້ວຈຶ່ງໄປແລກປ່ຽນກັບວັດທະນະທຳຕ່າງປະເທດ.
