ຄົນຈີນບໍລິໂພກຊາຫຼາຍທີ່ສຸດໃນໂລກ!!!
(GMT+08:00) 2012-06-05 15:01:45 cri
ທ່ານ ສາວຈົ່ງຊິ່ງ, ຜູ້ບໍລິຫານຂອງບໍລິສັດຊາເມືອງ ຈຸ່ນອ່ານ ບອກວ່າ: ທີ່ຊາຫາບາກ ແລະ ເປັນທຳມະຊາດແທ້ໆ ສາມາດພັດທະນາເຂົ້າສູ່ໂອກາດການລົງທຶນໄດ້ຫຼາຍ ອາດຈະເປັນການພັດທະນາໃຫ້ຄືກັບເຫຼົ້າແວງຂອງຝຣັ່ງ ທີ່ຜ່ານຂັ້ນຕອນຫຼາຍ 10 ປີ. ແຕ່ມັນກໍ່ຂື້ນກັບຄວາມຕ້ອງການຂອງຕະຫຼາດພາຍໃນຈີນ ເພາະວ່າຄົນຕ່າງປະເທດບໍ່ຄ່ອຍຈົກເງິນຫຼາຍໆເພື່ອຊື້ໃບຊາຂຽວທີ່ສົດຄືຄົນຈີນ, ຕົວຢ່າງວ່າຢູ່ສະຫະພາບເອີຣົບກໍ່ເຄັ່ງຄັດສູງຫຼາຍໃນການກວດກາໃບຊາຂຽວສົ່ງອອກ...!! ຄັນເວົ້າເຖິງລະດູໃບໄໝ້ປົ່ງຢູ່ຈີນຍາມນີ້ ແມ່ນເປັນຍາມເຮັດທຸລະກິດໃບຊາຂຽວແທ້ໆລະ...!! ຕາມການສຳຫຼວດສະ ມາຄົມການຕະຫຼາດຊາຈີນບອກວ່າ: ການຄ້າຊາໃນລະດູໃບໄມ້ປົ່ງກວມ 75% ຂອງການຄ້າຊາໝົດປີຂອງຈີນ ທັ້ງໆທີ່ວ່າຜະລິດຕະພັນທີ່ຜະລິດໄດ້ໃນຍາມນີ້ກວມພຽງແຕ່ 39% ຂອງການຜະລິດຊາໝົດປີ ແຕ່ລາຄາຂອງຊາທີ່ເກັບກູ້ຍາມລະດູບານໃໝ່ແນວນີ້ລາຄາສູງຫຼາຍ ບັດນີ້ຈະພາໄປຟັງບົດລາຍງານຂອງອົງການອາຫານ ແລະ ການກະເສດຂອງ ສ.ປ.ຊ ຫຼື FAO ທີ່ເພິ່ນເຜີຍແຜ່ໃນທ້າຍເດືອນກຸມພາປີນີ້ບອກວ່າ: ຈີນແມ່ນປະເທດທີ່ບໍລິໂພກ ແລະ ຜະລິດຊາຫຼາຍທີ່ສຸດໃນໂລກໃນປີ 2010. ໃນປີ 2010 ທົ່ວໂລກບໍລິໂພກຊາເພີ່ມຂື້ນ 5,6% ຄືຂື້ນຮອດ 4 ລ້ານໂຕນ ຖືວ່າເພີ່ມຂື້ນໄວຫຼາຍໂດຍສະເພາະແມ່ນຢູ່ຈີນ, ອິນເດຍ ແລະ ປະເທດເສດຖະກິດຈະເລີນໃໝ່ໆຕ່າງໆ. ສະເພາະຢູ່ຈີນ 2010 ກໍ່ບໍລິໂພກຊາເຖິງ 1 ລ້ານ 6 ໝື່ນໂຕນ ຫຼາຍທີ່ສຸດໃນໂລກ, ບໍ່ຫຼາຍຈັ່ງໃດເນາະທ່ານຜູ້ຟັງ... ຄົນ 1 ຕື້ 300 ລ້ານກວ່າຄົນ ສົມມຸດວ່າດື່ມນ້ຳຊາຈັກ 3-400 ລ້ານຄົນ ກໍ່ຫຼາຍທີ່ສຸດໃນໂລກລະເດເນາະ...!! ຜົນຜະລິດຊາທົ່ວໂລກກໍ່ເພີ່ມຂື້ນຫຼາຍຄືກັນໃນປີ 2010 ຄືເພີ່ມຂື້ນ 4,2% ເປັນ 4 ລ້ານ 1 ແສນໂຕນ...!! ຜົນຜະລິດຊາດຳກໍ່ເພີ່ມຂື້ນ 55% ແລະ ລາຄາກໍ່ສູງເປັນປະຫວັດການ, ສ່ວນຊາຂຽວເພີ່ມຂື້ນ 1,9% ສ່ວນຈີນກໍ່ຍັງຮັກສາຕຳແໜ່ງປະເທດທີ່ຜະລິດຊາຫຼາຍທີ່ສຸດໃນໂລກຢູ່ໃນປີ 2010 ຜະ ລິດໄດ້ 1 ລ້ານ 4 ແສນໂຕນ ກວມ 33% ຂອງທົ່ວໂລກ. ສຳລັບປີ 2012 ນີ້ລາຄາຊາທີ່ຄາດໄວ້ແຕ່ຕົ້ນປີ ວ່າຈະສືບຕໍ່ແພງຂື້ນ, ເພາະວ່າປີກາຍນີ້ລາຄາສະເລ່ຍຢູ່ທົ່ວໂລກແມ່ນກິໂລໜື່ງຕໍ່ 2 ໂດລາ 85 ເຊັນ. ຍ້ອນລາຄາຊາແພງຂື້ນແນວນີ້ກໍ່ຄາດວ່າຈະໄດ້ລາຍຮັບຈາການສົ່ງອອກຊາເພີ່ມຂື້ນ 2,2% ໃນປີກາຍ ເຊິ່ງຈະເປັນຜົນດີແກ່ລາຍຮັບຂອງຊາວກະສິກອນໃນຊົນນະບົດຈະໄດ້ເພີ່ມຂື້ນໄປນຳ...!!! ຄັນເວົ້າແຕ່ສະເພາະການດື່ມຊາໃນສັງຄົມຈີນ ກໍ່ມີເລື່ອງໜື່ງທີ່ຜູ້ຊ່ຽວຊານດ້ານຊາເປັນຫ່ວງຄື ຊາວໜຸ່ມຄົນລຸ້ນໃໝ່ບໍລິໂພກຊາຫຼຸດລົງ, ສາເຫດຍ້ອນຫຍັງຈັກໜ່ອຍໜຸ່ມໃຫຍ່ ຈະມາເວົ້າສູ່ຟັງ...!!
ຜູ້ຊ່ຽວຊານຈີນບອກວ່າ: ສາເຫດທີ່ດຽວນີ້ມີຄົນຈີນບາງຄົນເລີ່ມບໍ່ດື່ມຊາທີ່ເປັນປະເພນີເປັນນິໃສຂອງຄົນຈີນອອກແຕ່ດົນນານ ກໍ່ແມ່ນຍ້ອນບາງຄົນຫັນໄປນິຍົມດື່ມກາເຟ, ຍ້ອນຫຍັງກໍ່ຍ້ອນການໃຊ້ເວລາປຸງມັນສັ້ນ ທຽບໃສ່ເອົາໃບຊາລົງໃສ່ນ້ຳຮ້ອນແລ້ວລໍຖ້າໃຫ້ລົດຊາດ ແລະ ສີຂອງໃບຊາອອກ ທັ້ງຮ້ອນຫຼາຍອີກ, ວ່າຊັ້ນ!! ເອີ່...ກິນຊາຄັນບໍ່ກິນຕອນພວມຮ້ອນໆຈົນໄດ້ເປົ່າ ກິນໄປກໍ່ບໍ່ມີປະໂຫຍດຫຍັງຕໍ່ຮ່າງກາຍ ຕໍ່ການຊະລ້າງໄຂ ມັນ ຕໍ່ການເຮັດໃຫ້ຮ່າງກາຍຕື່ນຕົວສົດຊື່ນ ນານເຖົ້າດອກ..!! ໜຸ່ມໃຫຍ່ເຫັນຄົນຈີນຄັນນ້ຳຊາເຢັນແລ້ວ ມີແຕ່ເອົາໄປລ້າງໂຕະຢູ່ໃນຮ້ານອາຫານ ທີ່ມັນເປື້ອນຈາກຄາບອາ ຫານຫວານ, ມັນ, ຄາວອອກດີປານຫຍັງ ທໍ່ນັ້ນແລ້ວ...!!! ນາງ ຫວາງຢານ ອາຍຸ 25 ປີ ຢູ່ປັກກິ່ງບອກວ່າ: ມັກກິນກາເຟຫຼາຍກວ່າຊາ ເພາະມັນເຮັດໃຫ້ສົດຊື່ນ ແລະເຮັດໃຫ້ຂ້ອຍຮູ້ສຶກ
ວ່າທັນສະໄໝດີ.... ວ່າຊັ້ນ!! ໄວລຸ້ນເລື່ອງນຳຍຸກນຳສະໄໝຕ້ອງມາກ່ອນໂລດລະເນາະ...!!! ເລື່ອງດີແທ້ຫຼືບໍ່ ເອົາໄປໄວ້ນຳຫຼັງ...ເວົ້າເລື່ອງປະເພນີການດື່ມຊາຂອງຄົນຈີນແລ້ວກໍ່ຖືໂອກາດເວົ້າເຖິງປະຫວັດຂອງມັນສູ່ຟັງຫຍໍ້ໆຈັກໜ່ອຍ... ປະຫວັດຂອງການ
ເລີ່ມດື່ມຊາຂອງຄົນຈີນມີມາແຕ່ດົນນານອີ່ຫຼີ!! ເລື່ອງເລົ່າຕໍ່ໆກັນມາເລີ່ມທີ່ສະໄໝຈັກກະພັດເສິນໜົງປະມານ 5 ພັນປີມາແລ້ວ..
ໃນລະດູຮ້ອນມື້ໜື່ງແຕ່ 2737 ກ່ອນ ຄ.ສ ພຸ້ນລະ..!! ໃນຂະນະທີ່ພະອົງນຳອານາມາດລົງຢ້ຽມຢາມປະຊາຊົນຢູ່ເຂດຫ່າງໄກ
ໃນອານາຈັກ. ພະອົງ ແລະ ໄພ່ພົນ ຢຸດແວ່ພັກເອົາແຮງກາງທາງ ຜູ້ຮັບໃຊ້ຜູ້ໜື່ງຕົ້ມນ້ຳຮ້ອນເພື່ອດື່ມ ແລ້ວໄປເດັດໃບແຫ້ງຂ
ອງພຖ້ມໄມ້ໃກ້ໆຫັ່ນມາໃສ່ຈອກນ້ຳຮ້ອນ ແລ້ວມັນກໍ່ອ່ອນອອກສີງາມ, ພະອົງຈື່ງສົນໃຈໃນເຄື່ອງດື່ມໃໝ່ນີ້ ຈື່ງດື່ມໜ່ອຍໜື່ງ
ຮູ້ສຶກວ່າ: ໂອ່, ລົດຊາດດີ ນັບແຕ່ນັ້ນມາ ນ້ຳຊາກັບຄົນຈີນ ປະເທດຈີນຈິ່ງພັດທະນາມາຮອດກັນຢ່າງໃກ້ຊິດ ຈົນກາຍ ເປັນ ວັດທະນະທຳການບໍລິໂພກທີ່ຄຽງຄູ່ປະສົມປະສານໄປກັບ ຂົງຈື່, ເຕົາ ແລະ ພຸດ. ເວລາຜ່ານໄປຫຼາຍພັນປີ ຈົນພັດທະນາການ
ມາເປັນອຸດສາຫະ ກຳຊາດື່ມ ແລະ ຈີນກໍ່ກາຍເປັນທີ່ 1 ໃນການຜະລິດ ແລະ ສົ່ງອອກໄປຂາຍຢູ່ຫຼາຍກວ່າ 120 ປະເທດ
ແລະເຂດແຄວ້ນໃນທົ່ວໂລກ ທັງນຳເຂົ້າຊາຈາກ 50 ປະເທດ ແລະ ເຂດແຄວ້ນທົ່ວໂລກຄືກັນ... ຟັງເພງອີກກ່ອນເນາະ!!!
ແລ້ວຈັ່ງມາລົມກັນກ່ຽວກັບ ວ່າຄົນຈີນບາງຄົນດື່ມຊາໜ່ອຍມັນຍ້ອນຫຍັງໃຫ້ລົງເລິກຕື່ມ!!
