ຄວາມພະຍາຍາມໃນການຄວບຄຸມຢາສູບຈີນ...!!( ຕອນ1 )
(GMT+08:00) 2012-06-07 09:20:38 cri
ມາດຕະການໃໝ່ຢູ່ປັກກິ່ງເພື່ອຕໍ່ຕ້ານຄວບຄຸມການສູບຢາເພິ່ນຈະເພີ່ມລາຄາຂອງການປັບໄໝຂື້ນສູງກວ່າເກົ່າ ສຳລັບຜູ້ທີ່ລ້ວງລະເມີດລະບຽບຫ້າມສູບຢາໃນສະຖານທີ່ ສາທາລະນະ.. ຄະນະກຳມະການປະຈຳສະພາປະຊາຊົນນະຄອນຫຼວງປັກກິ່ງ ອອກຮ່າງລະບຽບໃໝ່ ແລະ ພວມຂໍຄຳຄິດຄຳເຫັນຈາກມວນຊົນໄປຈົນຮອດວັນທີ 30 ເດືອນນີ້ລະ!! ປະຈຸບັນນີ້ລະບຽບການປັບໄໝຕໍ່ຜູ້ຝ່າຝືນສູບຢາໃນສະຖານທີ່ສາທາລະນະເບົາຫຼາຍຄືມີແຕ່ 10 ຢວນ ຫຼື ປະມານ 12,000 ກີບທໍ່ນັ້ນ... ແຕ່ວ່າຮ່າງລະບຽບໃໝ່ນີ້ຜູ້ຝ່າຝືນຈະຖືກປັບໄໝແຕ່ 50 ຈົນຮອດ 200 ຢວນ ຖ້າສູບຢາໃນຮ້ານອາຫານ, ຫໍພິ ພິຕະພັນ ແລະ ໂຮງໝໍ..!! ເຈັ້າຂອງສະຖານທີ່ຂອງຕົນບໍ່ໃຫ້ສູບຢາກໍ່ຈະຖຶກປັບໄໝ ແຕ່ 5 ພັນເຖິງ 1 ໝື້ນຢວນ. 1 ໝື້ນຢວນກໍ່ປະມານ 12 ລ້ານກີບ ພຸ້ນລະ..!! ໃນລະບຽບໃໝ່ນີ້ກໍ່ຍັງຫ້າມຂາຍຢາສູບໃນວັນຕໍ່ຕ້ານການສູບຢາໂລກ ວັນທີ່ 31 ພຶດສະພາຂອງທຸກໆປີ.!! ອື່, ຟັງເບິ່ງແລ້ວກໍ່ເປັນລະບຽບທີ່ເຂັ້ມງວດກວ່າເກົ່າ ຕິດຕາມເບິ່ງວ່າຄັນຮັບ ຮອງແລ້ວຈະປະຕິບັດໄດ້ແທ້ບໍ?? ບໍ່ເປັນໃບເຈ້ຍຊື່ໆ... ເພາະວ່າເວລາໜຸ່ມໃຫຍ່ຢູ່ຈີນ 4 ປີເຄິ່ງ ທັງຢູ່ປັກກິ່ງ ແລະ ເຂດແຂວງອື່ນໆຂອງຈີນທີ່ເຄີຍໄປ ໃນຮ້ານອາຫານ, ໂຮງແຮມ ຫຼື ບ່ອນອື່ນໆ ມີປ້າຍ No Smoking ຫ້າມສູບຢາເຕັມ ແຕ່ບໍ່ສັກສິດເກືອບບໍ່ມີໃຜເຄົາລົບ ເຈົ້າຂອງຮ້ານ ກໍ່ບໍ່ກ້າບອກລູກຄ້າໃຫ້ເຊົາສູບ ຍ້ອນຢ້ານເສຍລູກຄ້າ ອັນນີ້ກໍ່ເປັນຄວາມພະຍາຍາມໃໝ່ອີກເທື່ຶອໜື່ງກໍ່ຫວັງວ່າຈະສັກສິດກວ່າເກົ່າ....
( ເພງ ) ຈົບ
