ການພະຍາຍາມຄວບຄຸມຢາສູບຂອງຈີນ ( ຕອນ2 )
ສະບາຍດີທ່ານຜູ້ຟັງຂອງ CRI ທຸກທ່ານ...!!! ຫຼັງຈາກຟັງເລື່ອງກິລາຈາກ ເອກະ ສັນກັບກະຕ່າຍແລ້ວ!! ໜຸ່ມໃຫຍ່ກໍຂໍນຳພາທ່ານເຂົ້າສູ່ລາຍການເບິ່ງເມືອງຈີນເປັນປະຈຳທຸກມື້ ໃນເວລາ 19 ໂມງ... ມື້ນີ້ທ່ານຜູ້ຟັງຫຼາຍທ່ານກໍ່ຄົງພໍທຸເລົາເບົາບາງຈາກອາກາດ ແລະ ແສງແດດທີ່ແຜດເຜົາມາໄດ້ຫຼາຍມື້ແລ້ວ ນັບແຕ່ຮອດບ່າຍຂອງວານນີ້ຈົນຮອດຄ່ຳວັນທີ 18-19 ມີທັງລົມທັງຝົນແຮງເຕີບຢູ່ໃນໃຈກາງນະຄອນຫຼວງວຽງຈັນນີ້, ມື້ນີ້ບ່າຍວານນີ້ກໍ່ບົດຫາກໍ່ມີທ້ອງຟ້າປອດໂປ້ງຕອນ 15-16 ໂມງນີ້ລະເນາະ!! ກໍ່ເຮັດໃຫ້ຄວາມຮ້ອນຫຼຸດລົງໄດ້ຫຼາຍເຕີບເວົ້າເລື່ອງຄວາມຮ້ອນ ອາກາດແຫ້ງແນວນີ້ ການໃຊ້ໄຟ້ຟ້າການເປີດແອ ເປີດພັດລົມ ໝົດມື້ໝົດຄືນກະລັງວັງແດ່ເດີ້ ຄັນໃຊ້ມັນໜັກເກີນໄປ ມັນກໍ່ໄໝ້ມັນກໍ່ຊອດເປັນໄດ໋...!! ໂດຍສະເພາະມື້ໃດຄືນໃດທີ່ອາກາດຮ້ອນແຮງໆ ຫັ້ນນະ...!! ກໍ່ມີມອດມີເປີດໃຫ້ມັນໄດ້ພັກຜ່ອນແດ່.. ນອກຈາກຢ້ານເກີດອັກຄີໄພແລ້ວ ຍາມຮ້ອນແນວນີ້ເຮືອນໃດມີແອກໍ່ເປີດເອົາເປີດເອົາ ບາດທ້າຍເດືອນໃບບິນມາພຸ້ນລະເດີ້ຊິຕາຕີ່ຂື້ນນະ..!! ເອົາຊ່ວຍກັນປະຫຍັດແດ່ຫັ່ນລະ ທັງປະຫຍັດເງິນຄ່າໄຟຕົວເອງ ທັງຊ່ວຍປະຫຍັດພະລັງງານ ປະຫຍັດຊັບພະຍາກອນຂອງຊາດຫັນແລ້ວ!!! ໜຸ່ມໃຫຍ່ນີ້ຄືນໃດອາ ກາດຮ້ອນແທ້ໆ ກໍ່ເປີດແອຮອດ 10 ໂມງ 11 ໂມງແລ້ວກໍ່ມອດ ເປີດອັນດູດອາກາດເອົາກໍ່ພໍນອນໄດ້ແລ້ວ... ທ່ານຜູ້ຟັງຮູ້ສຶກບໍຄັນເຮົານອນໃສ່ແອ ຫຼື ພັດລົມໝົດຄືນ ຕື່ນຂື້ນມາຮູ້ສຶກເພຍຫຼາຍເຕີບໃດ໋... ອັນນີ້ກໍ່ຊິແມ່ນຍ້ອນມັນແຫ້ງ ແລະ ຮ່າງກາຍເຮົາປັບໂຕບໍ່ທັນນີ້ລະ ເປັນຫວັດ ເປັນໄອ ເປັນໄຂ້ໄດ້ຍ້ອນໄດ໋!! ເອົາ, ທັກທາຍກັນເລື່ອງດິນຟ້າອາກາດພໍທໍ່ນີ້ກ່ອນເນາະ..!! ບັດນີ້ຈະມາຟັງເລື່ອງທີ່ຈະມາເວົ້າສູ່ຟັງໃນຄືນນີ້ ຄືນວານນີ້ລົມເລື່ອງກ່ຽວກັບມີຫາງສຽງວິພາກວິຈານຈາກ ນັກວິຊາການຈາກສັງຄົມຫຼາຍສົມ ຄວນ ທີ່ບໍລິສັດຍາສູບແຫ່ງຊາດຈີນສະເໜີໂຄງການຢາສູບແບບ ເຂົ້າຊິງລາງວັນຄົ້ນ ຄວ້າດ້ານວິທະຍາສາດໃນທ້າຍປີນີ້ ແລະ ລົມເລື່ອງມາດຕະການໃໝ່ໃນການຄວບຄຸມຢາສູບຢູ່ນະຄອນຫຼວງປັກກິ່ງສູ່ຟັງຜ່ານໄປ..!! ແຕ່ມັນຍັງມີຫຼາຍເລື່ອງກ່ຽວກັບຢາສູບຢູ່ຈີນມາເວົ້າສູ່ຟັງ.. ຖືວ່າຄືນນີ້ແມ່ນຈະເວົ້າເຖິງຄວາມພະຍາຍາມຂອງຈີນໃນການຄວບຄຸມຢາສູບພາກສອງກໍ່ວ່າໄດ້...!! ຟັງເພງກັນກ່ອນ.
ໃນຕົ້ນເດືອນມັງກອນປີນີ້ ມີອີກ 10 ຕົວເມືອງໃຫຍ່ຂອງຈີນທີ່ຕົກລົງເຫັນດີປະຕິ ບັດການຄວບຄຸມຢາສູບຕາມຄຳແນະນຳຂອງອົງການ
ອານາໄມໂລກ, ຈິ່ງເຮັດໃຫ້ຈຳ ນວນຕົວເມືອງຂອງຈີນ ທີ່ເຂົ້າຮ່ວມໂຄງການຕົວເມືອງປອດຢາສູບເພີ່ມຂື້ນເປັນ 17 ຕົວເມືອງແລ້ວ...!!
ໂຄງການນີ້ແມ່ນຄອບຄົວຂອງບິວເກດມະຫາເສດຖີດ້ານຄອມພິວເຕີ້ຂອງໂລກໃຫ້ທຶນສະໜັບສະໜູນແກ່ຈີນ. ກໍ່ຄືຮູ້ຫັນລະວ່າປະເທດ
ຈີນແມ່ນປະເທດທີ່ຜະລິດຢາສູບ ແລະ ມີຄົນສູບຢາຫຼາຍທີ່ສຸດໃນໂລກ ຖືວ່າກວມ 1/3 ຂອງພົນລະເມືອງຂອງໂລກທີ່ສູບຢາພຸ້ນລະ...
ໂດຍສະເພາະບ່ອນສູບໜັກຫຼາຍ ກໍ່ແມ່ນນນຄອນນ້ອຍຕາມຕົວເມືອງນ້ອຍແລະຕາມຊົນນະບົດ. ກອງທຶນຂອງທ່ານບິວເກດໃໝ່ນີ້ຈະ
ກວມເອົາບັນດານະຄອນນ້ອຍເມືອງນ້ອຍ ທີ່ຢູ່ເຂດທຸກຢາກທຸລະກັນດານເຂດຊົນເຜົ່າສ່ວນນ້ອຍມີຫຼາຍເຊັ່ນ: ເມືອງກາລະແມຂອງ
ເຂດປົກຄອງຕົນເອງອູ່ຍເກີຊິນຈຽງແລະເມືອງຢິ່ນຈວນຂອງເຂດປົກຄອງຄົນເອງເຜົ່າຮຸ້ຍໜິ່ງເຊຍ. ທ່ານ ເຈົບຟຣີຄອັບລັນ, ຫົວໜ້າ
ສະຖາບັນສຸຂະພາບຂອງໂລກ ທີ່ຕັ້ງຢູ່ອາເມລິກາ ແລະ ທັງເປັນຜູ້ອຳ ນວຍການຂອງໂຄງການນີ້ບອກວ່າ: ໂຄງການນີ້ເນັ້ນການປົກ
ປ້ອງແມ່ຍິງ ແລະ ຊາວໜຸ່ມເຍົາວະຊົນຈາການສູບຢາ, ຫຼຸດສະພາບແວດລ້ອມທີ່ຊວນໃຫ້ສູບຢາ ແລະ ທັງສະໜັບສະໜູນໃຫ້ຜູ້ທີ່
ຕ້ອງການສູບຢາ. ຄັນໃຜຟັງລາຍການຄືນຜ່ານມານີ້ກໍ່ຄົງຈະຈື່ວ່າດຽວ ນີ້ຢູ່ຈີນແຜ່ນດິນໃຫຍ່ມີຄົນສູບຢາ 350 ລ້ານຄົນ, ແຕ່ລະປີກໍ່ມີ
ຄົນຈີນທີ່ຕາຍຍ້ອນພະຍາດທີ່ກ່ຽວຂ້ອງກັບຢາສູບ 1 ລ້ານ2ແສນຄົນແລະຜູ້ຊ່ຽວຊານຍັງຄາດວ່າ ຖ້າຍັງຄວບຄຸມບໍ່ໄດ້ຮອດປີ 2030
ອາດຈະຕາຍຮອດ 3,5 ລ້ານຄົນຕໍ່ປີ. ເປັນຕາຢ້ານເນາະທ່ານຜູ້ຟັງ...!! ໃຜຄິດຢາກເຊົາກໍ່ຂ່ຽວຕັດສິນໃຈລົງມືເຮັດແຕ່ມື້ນີ້ໂລດເພື່ອ
ປອດຂອງທຸກທ່ານເອງ ຢ່າລືມວ່າຕ່ອຍກັບໄຟຕໍ່ກອກຢາທຸກກອກ ແມ່ນມັນເປັນການຈູດຕຸ້ງປອດທ່ານເອງ ແລະ ເງິນທ່ານເອງ...!! ຄັນຢູ້ບໍ່ມີມາລະຍາດບໍ່ຮູ້ເກງໃຈຜູ້ອື່ນມັນກໍ່ໄປໄໝ້ປອດຂອງຜູ້ຢູ່ອ້ອມຂ້າງນຳອີກ. ຊາວໜຸ່ມຍິງຊາຍຄັນຜູ້ໃດເຂົ້າໃຈຜິດຄິດຢາກສູບ
ເພາະ ວ່າເຫັນຜູ້ອື່ນສູບແລ້ວຄືວ່າມີວາດມີຊົງດີ ເຈົ້າຊູ້ດີ, ໄຮໂຊດີ ຄວາມຄິດແນວນັ້ນຖິ້ມແຕ່ນາທີນີ້ໄປໂລດເດີ້ ຢ່າສູບບໍ່ມີຜົນດີ
ຫຍັງແທ້ໆ ມີແຕ່ທຳລາຍກັບທຳລາຍ..!! ຄັນບໍ່ຮັກໂຕເອງແຕ່ຍັງຮັກລູກຮັກເມຍ ຮັກແຟນຢູ່ ກະຮີບຕັດສິນໃຈເຊົາແຕ່ມື້ນີ້ໄປສະ... ລູກເມຍຈະເຫັນທ່ານເປັນພະເອກຂວັນໃຈຂອງເຂົາເຈົ້າໂລດລະ!! ຈັກໜ່ອຍຈະເອົາບົດລາຍງານທີ່ມີຫົດຂໍ້ວ່າ: " ການຄວບຄຸມຢາ
ສູບ ແລະ ອານາຄົດຂອງຈີນບາງຕອນ ມາເວົ້າສູ່ຟັງ " ..!!
