ການພະຍາຍາມຄວບຄຸມຢາສູບຂອງຈີນ ( ຕອນ2 )
(GMT+08:00) 2012-06-07 09:28:08 cri
ດຣ ອູອີ້ຈວິ້ນນີ້ບອກວ່າ: ໃນໄລຍະ 6 ປີຜ່ານມານີ້ ລັດຖະບານຈີນກໍ່ພະຍາຍາມຄວບຄຸມຢາສູບຢູ່ ແຕ່ຍອດຂາຍກໍ່ຍັງເພີ່ມສູງຂື້ນທຸກປີ, ຂໍ້ມູນຂອງກົມການຢາສູບຂອງຈີນບອກວ່າ: ປີກາຍນີ້ລັດຖະບານເກັບພາສີຈາກຢາສູບໄດ້ຫຼາຍກວ່າປີ 2012 ເຖິງ 22,5% ຍອດຂາຍກໍ່ເພີ່ມຂື້ນເກືອບ 17%. ດຣ ອູ ຢ້ຳວ່າ: " ມັນເປັນເລື່ອງຢາກຫຼາຍ ທີ່ຈະສຶບຕໍ່ປຸກລະດົມໃຫ້ຄົນຈີນຫຼຸດການສູບຢາ ແລະ ມັນເປັນສິ່ງທີ່ເກືອບເປັນໄປບໍ່ໄດ້ ເລີຍ ". ດຽວນີ້ສູນຂອງ ດຣ ອູ ກໍ່ພວມແລ່ນວິ່ງເຕັ້ນເພື່ອຂໍຄວາມຮ່ວມມືຈາກສະມາຊິກ ສະພາຜູ້ແທນປະຊາຊົນແຫ່ງຊາດ ແລະ ສະພາປຶກສາການເມືອງປະຊາຊົນແຫ່ງຊາດຈີນເພື່ອຂໍໃຫ້ພວກເພິ່ນຊ່ວຍກະຕຸ້ນລັດຖະບານ ໃນການຄວບຄຸມຢາສູບ ແລະ ອອກລະ ບຽບກົດໝາຍໃຫ້ເຂັ້ມງວດກວ່ານີ້ ກໍ່ຖືວ່າການວິ້ງເຕັ້ນຂອງພາກສ່ວນອົງການໜ່ວຍງານ ຕ້ານຢາສູບກໍ່ປະສົບຜົນສຳເລັດເບື້ອງຕົ້ນລະໄດ້ທ່ານຜູ້ຟັງ!! ເພາະວ່າໃນແຜນພັດທະນາເສດຖະກິດສັງຄົມຄັ້ງທີ່ 12 ( 2011-2015 ) ກໍ່ເປັນເທື່ອທຳອິດທີ່ລັດຖະບານໄດ້ບັນຈຸເນື້ອໃນກ່ຽວກັບການຄວບຄຸມຢາສູບເຂົ້າໄປ!! ແຕ່ພາກສ່ວນຕ່າງໆກໍ່ຕິດຕາມຢູ່ວ່າຈະເຮັດຕາມແຜນໄດ້ດີຊ່ຳໃດ? ເພາະວ່າລະບຽບທີ່ເງັ້ມງວດຂື້ນກໍ່ໄດ້ຮັບຮອງ ແລະ ນຳໃຊ້ມາແຕ່ເດືອນພຶດສະພາປີກາຍນີ້ ແຕ່ຜົນການສຳຫຼວດຂອງນັກສິ່ງແວດລ້ອມ ໃນເດືອນພະຈິກປີກາຍນີ້ ຍັງພົບວ່າຮ້ານອາຫານໃນນະຄອນຫຼວງປັກກິ່ງປະຕິບັດລະບຽບໄດ້ແທ້ໆ ມີແຕ່ 1/5 ຂອງຮ້ານອາຫານນ້ອຍໃຫຍ່ທັງໝົດ... ສ່ວນຢູ່ນະຄອນຊຽງໄຮ້ກໍ່ຕັ້ງເປົ້າວ່າເປັນເມືອງຫ້າມການສູບຢາໃນເຂດສາທາລະນະທຸກແຫ່ງ ໃນປີ 2010 ແຕ່ຈົນມາຮອດດຽວນີ້ກໍ່ຍັງບໍ່ມີການບັງຄັບໃຊ້ ຂໍ້ກຳນົດກົດລະບຽບເຂັ້ມງວດຫຍັງເລີຍ. ຄະນະກຳມະ ການສົ່ງເສີມສຸຂະພາບຂອງຊຽງໄຮ້ ກໍ່ຍອມຮັບໃນຕົ້ນເດືອນນີ້ວ່າ: ປີກາຍນີ້ມີການຈັບ ແລະ ປັບໄໝ ເຈົ້າຂອງສຳນັກງານອົງການ, ຮ້າງຮ້ານ, ໂຮງແຮມຕ່າງໆ ພຽງແຕ່ 66 ແຫ່ງ ແລະ ປັບໄໝປະຊາຊົນພຽງແຕ່ 5 ລາຍ!! ເປັນຕາຫົວເນາະ ຊຽງໄຮ້ມີພົນລະ ເມືອງຕັ້ງວ່າ: 24 ລ້ານຄົນ ແລະ ລະເມີດລະບຽບການສູບຢາເຕັມບ້ານເຕັມເມືອງ ແຕ່ປັບໄໝປີກາຍນີ້ພຽງແຕ່ 5 ຄົນ.. ຟັງເບິ່ງຕົວເລກນີ້ກໍ່ຮູ້ລະເນາະວ່າ ການຕິດຕາມກວດ ກາການປະຕິບັດລະບຽບຄວບຄຸມຢາສູບຢູ່ຈີນເຂັ້ມງວດຫຼືບໍ່???
