ຈັດເວທີປຶກສາຫາລືການຄ້າການລົງທຶນຈີນລາວ
(GMT+08:00) 2012-09-24 16:25:36 cri
ກ່ຽວກັບຈະສືບຕໍ່ເພີ່ມທະວີການຮ່ວມມືຮອບດ້ານກັບປະເທດລາວແລະຈະລົງທຶນຢູ່ລາວແນວໃດ,ທ່ານຊູ່ຕ້າວຢຽນ, ຮອງປະທານສະພາປຶກສາການເມືອງຂອງເຂດກວາງຊີເຜົ່າຈ້ວງປົກຄອງຕົນເອງໄດ້ສະເຫນີຂໍ້ສະເຫນີ 3 ຂໍ້ ຄື: ເພີ່ມການຄ້າລະຫວ່າງສອງຝ່າຍໃຫ້ມີຂະຫນາດໃຫຍ່ຂຶ້ນ, ຊຸກຍູ້ການຮ່ວມມືໃນດ້ານການລົງທຶນນແລະຮ່ວມກັນຊຸກຍູ້ການສ້າງແລວທາງເສດຖະກິດແຕ່ນານນິງຫາສິງກະໂປ, ທ່ານກ່າວວ່າ ຈະສືບຕໍ່ອອກແຮງສະຫນັບສະຫນູນເຂດກວາງຊີຮ່ວມມືກັບປະເທດລາວໃນຂົງເຂດການຄ້າການລົງທຶນແລະວັດທະນະທຳຢ່າງຮອບ ດ້ານ.ທ່ານເວົ້າວ່າ:
ເຂດກວາງຊີກັບປະເທດລາວຢູ່ໃກ້ກັນ, ຂະແຫນງການດ້ານຊັບພະຍາ ກອນຕ່າງໆຂອງສອງຝ່າຍມີທ່າແຮງທີ່ສາມາດຕ່າງຊ່ວຍຊູຍູ້ຫນູນກັນ,ເຂດກວາງຊີກັບປະເທດລາວມີຄວາມປາຖະຫນາໃນການຮ່ວມມື,ແລະການຮ່ວມມືກໍ່ມີຄວາມສາມາດບົ່ມຊ້ອນຢ່າງມະຫາສານ. ອີງຕາມນ້ຳໃຈທີ່ຕ່າງຝ່າຍຕ່າງມີຜົນປະໂຫຍດ,ເຂດກວາງຊີຈະຍົກການຮ່ວມມືລະຫວ່າງສອງຝ່າຍໃຫ້ຂຶ້ນສູ່ລະດັບໃຫມ່.
ໃນກອງປະຊຸມເທື່ອນີ້, ການແນະນຳກ່ຽວກັບນະໂຍບາຍສົ່ງເສີມການລົງທຶນແລະເຂດເສດຖະກິດຂອງເຈົ້າຫນ້າທີ່ປະເທດລາວໄດ້ໃຫ້ນັກທຸລະກິດຈີນມີຄວາມສົນໃຈຢ່າງສູງ, ໃນຕອນທ້າຍຂອງກອງປະຊຸມ,ນັກທຸລະ ກິດຈີນທີ່ຢາກໄປລົງທຶນຢູ່ປະເທດລາວນັ້ນພາກັນປະກອບຄຳຄິດຄຳເຫັນ, ອັນໄດ້ສ້າງບັນຍາກາດທີ່ຄຶກຄື້ນຫລາຍ.ໃນນັ້ນ, ຜູ່ຕາງຫນ້າຂອງໂຮງງານຜະລິດແປ້ງມັນໄດ້ສະແດງຄວາມຫວັງທີ່ຢາກໄປລົງທຶນຢູ່ລາວ.ທ່ານເວົ້າວ່າ:
ພວກເຮົາຢາກຜ່ານການໄປສ້າງໂຮງງານຢູ່ປະເທດລາວແລ້ວສາມາດຊ່ວຍພັດທະນາທ້ອງຖີ່ນັ້ນ, ແລະປັບປຸງສະພາບການຂອງປະຊາຊົນ ລາວ. ພວກເຮົາເຊື່ອວ່າພວກເຮົາຈະສາມາດເຮັດໃນສິ່ງນັ້ນໄດ້.
