ຈີນຊ່ວຍເຫຼືອກໍ່ສ້າງຫໍປະຊຸມແຫ່ງຊາດລາວໃກ້ຈະສຳເລັດແລ້ວ
ຫໍປະຊຸມແຫ່ງຊາດທີ່ກຳລັງກໍ່ສ້າງຢູ່
ຫໍປະຊຸມແຫ່ງຊາດລາວຕັ້ງຢູ່ເຂດໃຈກາງເມືອງນະຄອນຫຼວງວຽງຈັນ,ຕິດກັບທາງເລກ13,ໃກ້ ກັບຫໍພິພິດທະພັນໄກສອນພົມວິຫານແລະສຳນັກງານຫ້ອງວ່າການສູນກາງພັກປະຊາຊົນປະຕິວັດລາວ.ຫໍປະຊຸມແຫ່ງຊາດລາວກວມເນື້ອທີ່ປະມານ7ໝຶ່ນຕາແມັດ,ສິ່ງກໍ່ສ້າງທັງໝົດກວມເນື້ອທີ່ປະມານ2ໝື່ນ5000ຕາແມັດ,ຍອດມູນຄ່າການລົງທຶນໃນໂຄງການນີ້ມີເຖິງ450ລ້ານຢວນ.ທ່ານເມີ້ງຊາວ ວິສະວະກອນລະດັບສູງທັງເປັນຜູ້ຮັບຜິດຊອບໂຄງການກໍ່ສ້າງຫໍປະຊຸມແຫ່ງຊາດລາວຊຶ່ງມີບໍລິສັດໃຫຍ່ໂຄງການກໍ່ສ້າງຈີນເປັນຜູ້ກໍ່ສ້າງນັ້ນກ່າວວ່າ:ຫໍປະຊຸມແຫ່ງຊາດຕົ້ນຕໍແມ່ນລວມທັງຫ້ອງອະເໜກປະສົງທີ່ສາມາດບັນຈຸປະມານ1500ກວ່າຄົນ,ຫ້ອງໂຖງໃຫຍ່ຮັບແຂກ,ຫ້ອງປະຊຸມສຸດຍອດ500ບ່ອນນັ່ງ,ຫ້ອງປະຊຸມເຈົ້າໜ້າທີ່ລະດັບສູງ,ຫ້ອງຖະແຫຼງຂ່າວ,ຫ້ອງເຈລະຈາສອງຝ່າຍ16ຫ້ອງ,ຫ້ອງກຽດຕິຍົດຫຼືຫ້ອງແຂກVIP3ຫ້ອງ,ຫ້ອງນັກຂ່າວ,ຫ້ອງສຳນັກງານເລຂານຸການແລະອື່ນໆ,ຊຶ່ງສູນປະຊຸມສາມາດບັນຈຸຄົນທີ່ມາເຂົ້າຮ່ວມກອງປະຊຸມໄດ້ເຖິງ3000ຄົນ.ທ່ານກ່າວວ່າ:
"ສິ່ງກໍ່ສ້າງແຫ່ງນີ້ເປັນສິ່ງກໍ່ສ້າງອັນໃຫຍ່ໂຕ,ຈັດວາງຢ່າງສົມເຫດສົມຜົນ,ໃຊ້ລະດັບເຕັກນິກສູງສົມຄວນ,ຕົວຢ່າງວ່າ,ເພດານສູງ10ແມັດ,ໃຫຍ່ໂຕມະໂຫລານ,ເວົ້າລວມແລ້ວ,ທຸກພາກສ່ວນຂອງສິ່ງກໍ່ສ້າງແມ່ນກົມກຽວກັນກັບສິ່ງກໍ່ສ້າງທີ່ຢູ່ບໍລິເວນໃກ້ຄຽງເຊັ່ນຫໍພິພິດທະພັນໄກສອນພົມວິຫານ,ຫ້ອງວ່າການສູນກາງພັກປະຊາຊົນປະຕິວັດລາວດັ່ງນີ້ເປັນຕົ້ນ."
