ຈີນຊ່ວຍເຫຼືອກໍ່ສ້າງຫໍປະຊຸມແຫ່ງຊາດລາວໃກ້ຈະສຳເລັດແລ້ວ
ປະຕູໃຫຍ່ຂອງຫູປະຊຸມແຫ່ງຊາດ
ຕາມຂ່າວແຈ້ງວ່າ,ສູນປະຊຸມແຫ່ງຊາດແມ່ນເລີ່ມລົງມືກໍ່ສ້າງຢ່າງເປັນທາງການໃນເດືອນທັນວາປີ 2011,ຕາມປົກກະຕິແລ້ວ,ໂຄງການກໍ່ສ້າງທີ່ມີຂະໜາດໃຫຍ່ແບບນີ້ຢ່າງໜ້ອຍຕ້ອງໃຊ້ເວລາ 2 ປີຫາ 2 ປີເຄິ່ງຈຶ່ງຈະສຳເລັດ.ແຕ່ເພື່ອຮັບປະກັນໃຫ້ໂຄງການດັ່ງກ່າວສຳເລັດຕາມເວລາກຳນົດທັງມີຄຸນນະພາບທີ່ດີ,ກຸ່ມບໍລິສັດໂຄງການກໍ່ສ້າງຈີນໄດ້ນຳໃຊ້ກຳລັງທັງໝົດທີ່ກ່ຽວພັນເຖິງໂຄງການນີ້ໃນກຸ່ມບໍລິສັດ,ຄື:ການອອກແບບ,ການກໍ່ສ້າງ,ການກະກຽມແລະຂົນສົ່ງວັດສະດຸກໍ່ສ້າງ,ການສະໜອງແຮງງານແລະອື່ນໆ.ທ່ານເມິ້ງຊ່າວແຈ້ງໃຫ້ຮູ້ວ່າ:ໃນເວລາກໍ່ສ້າງຕົວຈິງນັ້ນ,ກຳມະກອນໄດ້ຜ່ານຜ່າຄວາມຫຍຸ້ງຍາກຍ້ອນອາກາດຮ້ອນອົບເອົ້າແລະປຽກຊຸ່ມ,ໂດຍໄດ້ໃຊ້ຮູບການແບ່ງເປັນຫຼາຍຈຸແລ້ວເຮັດວຽກຜັດປ່ຽນກັນຕະຫຼອດ 24 ຊົ່ວໂມງ,ພະຍາຍາມສຸດຂີດເພື່ອເລັ່ງລັດການກໍ່ສ້າງ,ໃນສະຖານທີ່ກໍ່ສ້າງ,ກຳມະກອນເຮັດວຽກນຳກັນຫຼາຍທີ່ສຸດມີເຖິງ 1500 ກວ່າຄົນ,ຍອດຈຳນວນເທື່ອຄົນທີ່ເຂົ້າຮ່ວມການກໍ່ສ້າງໂຄງການນີ້ມີເກືອບ2500ເທື່ອຄົນ.ນາງພູນທີ່ຢູ່ບ້ານຈອມມະນີເຊິ່ງຢູ່ໃກ້ກັບສະຖານທີ່ກໍ່ສ້າງຫໍປະຊຸມແຫ່ງຊາດໄດ້ສະແດງຄວາມເຄົາລົບນັບຖືຕໍ່ກຳມະກອນຈີນທີ່ໄດ້ເຮັດວຽກຢ່າງດຸໝັ່ນຂະຫຍັນ.ນາງກ່າວວ່າ:"ເຂົາເຈົ້າເຮັດວຽກເມື່ອຍຫຼາຍ,ທັງດຸໝັ່ນຫຼາຍ,ພະຍາຍາມອົດທົນ,ເຮັດວຽກຕະຫຼອດ24ຊົ່ວໂມງ,ພວກເຮົານັບຖືຫຼາຍ."
ຫ້ອງປະຊຸມທີ່ກຳລັງຕົບແຕ່ງຢູ່
ທ່ານນາງປູ້ຈ້ຽນກົວ,ເອກອັກຄະລັດຖະທູດຈີນປະຈຳລາວເຄີຍໄປຢື້ຢາມຖາມຂ່າວຕໍ່ຜູ້ຮັບຜິດຊອບແລະພະນັກງານເຕັກນິກຂອງໂຄງການນີ້ຢູ່ສະຖານທີ່ກໍ່ສ້າງຫຼາຍເທື່ອ,ນາງກ່າວວ່າ,ສູນປະຊຸມແຫ່ງຊາດລາວແມ່ນໝາກຜົນຂອງມິດຕະພາບອັນເລິກເຊິ່ງລະຫວ່າງສອງປະເທດລາວແລະຈີນ,ເປັນຄວາມທະນົງຕົວຂອງປະຊາຊົນລາວແລະປະຊາຊົນຈີນ.ການສຳເລັດໂຄງການນີ້,ຈະສ້າງພື້ນຖານອັນໝັ້ນແກ່ນໃຫ້ແກ່ລາວໃນການເປັນເຈົ້າພາບຈັດກອງປະຊຸມສຸດຍອດອາຊີເອີຣົບໃຫ້ສຳເລັດຜົນ,ສູນປະຊຸມນີ້ບໍ່ພຽງແຕ່ຈະກາຍເປັນຫຼັກໝາຍໃໝ່ທີ່ເປັນສັກຂີພິຍານທີ່ລາວໄດ້ກ້າວເຂົ້າສູ່ເວທີສາກົນເທົ່ານັ້ນ,ຍັງຈະເປັນອະນຸສາວະລີທີ່ລະລຶກເຖິງມິດຕະພາບຈີນລາວທີ່ຕັ້ງຢູ່ໃຈກາງນະຄອນຫຼວງວຽງຈັນ.
