ວັນທີ 11 ພະຈິກນີ້, ພູໄຟ"Etna"ທີ່ຕັ້ງຢູ່ເກາະສິສິລີຂອງອີຕາລີໄດ້ລະເບີດຂຶ້ນຢ່າງຮຸນແຮງ ແລະພົ່ນອາຍນໍ້າທີ່ເປັນຮູບວົງມົນອອກມາໃຕ້ທ້ອງຟ້າສີຄາມ, ຈໍານວນໜຶ່ງມີເສັ້ນຜ່າກາງຍາວເຖິງຫລາຍສິຍແມັດ. ປັດຈຸບັນນີ້, ອາຍນໍ້າທີ່ເປັນຮູບວົງມົນເຫລົ່ານີ້ກໍາລັງຍ້າຍໄປທາງທິດຕາເວັນອອກຕາມກະແສລົມ.
ຕາມການຄາດຄະເນ, ການພົ່ນອາຍນໍ້າທີ່ເປັນຮູບວົງມົນແມ່ນເຫດການທີ່ບໍ່ຄ່ອຍມີໃຫ້ເຫັນແມ່ນຍ້ອນວ່າການລະເບີດໄດ້ປ່ຽນແປງໂຄງປະກອບປາກຂອງພູໄຟ, ມີຄວາມເປັນໄປໄດ້ຫລາຍທີ່ຈະປ່ຽນເປັນຮູບວົງມົນ, ເນື່ອງຈາກວ່າສາເຫດດ້ານຟິຊິກຂອງເລື່ອງນີ້ສັບສົນຫລາຍ, ນັກວິທະຍາສາດຍັງບໍ່ສາມາດຮູ້ໄດ້ວ່າເປັນຫຍັງພູໄຟໜ່ວຍນີ້ຈຶ່ງສາມາດພົ່ນອາຍນໍ້າທີ່ເປັນຮູບວົງມົນອອກມາໄດ້. ເຂົາເຈົ້າກໍາລັງສືບຕໍ່ຄົ້ນຄວ້າຫາສາເຫດ.
ທີ່ຈິງແລ້ວ, ນີ້ບໍ່ແມ່ນຄັ້ງທໍາອິດທີ່ພູໄຟ"Etna" ພົ່ນອາຍນໍ້າທີ່ເປັນຮູບວົງມົນ ອອກມາ. ໃນຊຸມປີ 70 ຂອງສະຕະວັດທີ 20 ເຄີຍມີການບັນທຶກທີ່ຄ້າຍຄືກັນນີ້, ໃນນັ້ນ, ການພົ່ນອອກອາຍນໍ້າທີ່ເປັນຮູບວົງມົນຈະແຈ້ງທີ່ສຸດແມ່ນໃນປີ 2000. ພູໄຟ"Etna"ເປັນພຸໄຟທີ່ສູງທີ່ສຸດແລະເຄື່ອນໄຫວຫລາຍທີ່ສຸດໃນເອີຣົບ ເນື່ອງຈາກວ່າມັນຕັ້ງຢູ່ເຂດຕໍ່ແດນລະຫວ່າງແຜ່ນດິນເອີຣົບກັບແຜ່ນດິນອາຟຼິກາ.
