ຕອນບ່າຍວັນທີ 21 ພະຈິກນີ້, ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງຂອງຈີນ,ທ່ານຫຼີເຄີ້ສ໋ຽງ ນາຍົກລັດຖະມົນຕີຈີນກັບທ່ານເຮີມານ ວານຣົມປຸຍ ປະທານສະພາເອີຣົບແລະທ່ານມານູເອັນ ດູຣາວ ບາໂຣໂຊ ປະທານຄະນະກຳມາທິການສະຫະພາບເອີຣົບໄດ້ເປັນປະທານຮ່ວມຂອງການພົບປະລະຫວ່າງຜູ້ນຳຈີນ-ສະຫະພາບເອີຣົບຄັ້ງທີ 16 . ທ່ານຫຼີເຄີ້ສ໋ຽງ ຊີ້ອອກວ່າ, ສະຫະພາບເອີຣົບແມ່ນຂົ້ວໜຶ່ງໃນຫຼາຍຂົ້ວທີ່ສຳຄັນໃນໂລກ, ແລະກໍ່ແມ່ນຄູ່ຮ່ວມມືທີ່ສຳຄັນຂອງຈີນໃນຂະບວນການບັນລຸການຫັນເປັນທັນສະໄໝ. ຈີນໃຫ້ຄວາມສຳຄັນເປັນຢ່າງຍິ່ງຕໍ່ການພົວພັນລະຫວ່າງຈີນ-ເອີຣົບ, ແລະຍິນດີຮ່ວມກັບເອີຣົບພະຍາຍາມຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບເອີຣົບໃຫ້ມີການພັດທະນາໃໝ່ຢ່າງບໍ່ຢຸດຢັ້ງ.
ທ່ານຫຼີເຄີ້ສ໋ຽງຊີ້ອອກວ່າ,ຈີນສະໜັບສະໜູນວິສາຫະກິດຈີນທີ່ມີກຳລັງຕົວຈິງແລະມີສິນເຊື່ອໄປລົງທຶນຢູ່ເອີຣົບ. ຫວັງວ່າ ຝ່າຍເອີຣົບຈະຜ່ອນຄາຍການຈຳກັດການສົ່ງອອກຜະລິດຕະພັນເຕັກນິກສູງຕໍ່ຈີນ. ຈີນຍິນດີເລີ່ມຕົ້ນການເຈລະຈາສັນຍາການລົງທຶນກັບເອີຣົບ, ຫວັງວ່າສອງຝ່າຍຈະສາມາດເຈລະຈາແລະໄດ້ຮັບຜົນສຳເລັດທີ່ດີຮ່ວມກັນ.
 |
