ນາຍົກລັດຖະມົນຕີຈີນຈະເຂົ້າຮ່ວມການພົບປະລະຫວ່າງນາຍົກລັດຖະມົນຕີອົງການຮ່ວມມືຊຽງໄຮເປັນຄັ້ງທໍາອິດ ຈີນເອົາໃຈໃສ່ການຮ່ວມມືເພື່ອໂຈມຕີອິດທິກໍາລັງກໍ່ການຮ້າຍເຊັ່ນ "ຕວັກກີສະຖານຕາເວັນອອກ"

ວັນທີ 28 ຫາວັນທີ 29 ພະຈິກນີ້, ທ່ານຫລີເຄີ້ສ໋ຽງ, ນາຍົກລັດຖະມົນຕີຈີນຈະເດີນທາງໄປອຸສເບກີສະຖານເພື່ອເຂົ້າຮ່ວມການພົບປະລະຫວ່າງນາຍົກລັດຖະມົນຕີອົງການຮ່ວມມືຊຽງໄຮຄັ້ງທີ 12. ວັນທີ 20 ພະຈິກນີ້, ກະຊວງການຕ່າງປະເທດຈີນເປີດເຜີຍວ່າ, ການພົບປະຄັ້ງນີ້ມີຫວັງຈະຮັບຮອງສັນຍາລະຫວ່າງລັດຖະບານປະເທດສະມາຊິກອົງການຮ່ວມມືຊຽງໄຮກ່ຽວກັບການເຮັດໃຫ້ການຂົນສົ່ງທາງຫລວງສາກົນສະດວກຂຶ້ນ ແລະຄົ້ນຄວ້າພິຈາລະນາກ່ຽວກັບການເພີ່ມທະວີການຮ່ວມມືແລະຮ່ວມກັນໂຈມຕີອິດທິກໍາລັງກໍ່ການຮ້າຍຕ່າງໆເຊັ່ນ"ຂະບວນການອິດສະແລມຂອງຕວັກກີສະຖານຕາເວັນອອກ"ແລະອື່ນໆ.

ໃນການຮ່ວມມືດ້ານຄວາມໝັ້ນຄົງ, ໃນປີ 2014, ກອງທະຫານອົງການສົນທີສັນຍາປ້ອງກັນມະຫາສະໝຸດອັດເລັງ ຕິກເໜືອ ຫລື NATO ຈະຖອນອອກຈາກອັຟການີສະຖານ, ສະພາບຄວາມໝັ້ນຄົງຂອງອັຟການີສະຖານໃນອະນາຄົດໄດ້ຮັບຄວາມສົນໃຈຈາກຝ່າຍຕ່າງໆ, ການປ່ຽນແປງນີ້ຈະມີຜົນກະທົບຫຍັງຕໍ່ຄວາມໝັ້ນຄົງຂອງພາກພື້ນອາຊີກາງກໍເປັນສິ່ງທີ່ອົງການຮ່ວມມືຊຽງໄຮສົນໃຈທີ່ສຸດ. ໃນອະນາຄົດ, ການຮັກສາຄວາມໝັ້ນຄົງແລະການພັດທະນາຂອງພາກພື້ນອາຊີກາງຈະເປັນພາລະໜ້າທີ່ທີ່ໜັກໜ່ວງຂອງອົງການຮ່ວມມືຊຽງໄຮ.