ຕາມຂ່າວCRI: ນັບແຕ່ວັນທີ 25 ຫາວັນທີ 29 ພະຈິກນີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນຈະເດີນທາງໄປເຂົ້າຮ່ວມການພົບປະເຈລະຈາລະຫວ່າງຜູ້ນຳຈີນ-ປະເທດເອີຣົບກາງຕາເວັນອອກທີ່ຈະຈັດຂຶ້ນຢູ່ຣູມານີແລະຢ້ຽມຢາມຣູມານີຢ່າງເປັນທາງການພ້ອມທັງເຂົ້າຮ່ວມກອງປະຊຸມຄັ້ງທີ 12 ຂອງນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮທີ່ຈັດຂຶ້ນຢູ່ອຸສເບກີສະຖານ. ຫວ່າງກ່ອນນີ້ບໍ່ດົນ, ທ່ານວິຄໂທ ວິໂອເລ ໂພນທາ, ນາຍົກລັດຖະມົນຕີຣູມານີໄດ້ກ່າວຜ່ານທາງວິທະຍຸສາກົນແຫ່ງປະເທດຈີນຫຼື CRI ວ່າ, ສະແດງຄວາມຍິນດີຕ້ອນຮັບຕໍ່ນາຍົກລັດຖະມົນຕີຈີນທີ່ໄປຢ້ຽມຢາມນະຄອນຫຼວງບູກາແຣັດຂອງຣູມານີຂອງໃນຮອບ 19 ປີຜ່ານມາ.
ທ່ານວິຄໂທ ວິໂອເລ ໂພນທາ, ນາຍົກລັດຖະມົນຕີຣູມານີກ່າວວ່າ, ການຢ້ຽມຢາມຢ່າງເປັນທາງການຂອງທ່ານຫຼີເຄີ້ສຽງ, ນາຍົກລັດຖະມົນຕີຈີນຈະເພີ່ມທະວີການພົວພັນດ້ານເສດຖະກິດການຄ້າລະຫວ່າງຣູມານີກັບຈີນ, ຣູມານີຍິນດີຕ້ອນຮັບການລົງທຶນຈາກຈີນ, ເຊິ່ງຈະເປັນການຍົກລະດັບຊີວິດການເປັນຢູ່ຂອງປະຊາຊົນຣູມານີໃຫ້ສູງຂຶ້ນກວ່າເກົ່າ.
 |
