ວັນທີ 22 ພະຈິກນີ້, ກະຊວງການຕ່າງປະເທດຈີນໄດ້ຈັດກອງປະຊຸມຂ່າວຕໍ່ສື່ມວນຊົນຈີນ ແລະ ຕ່າງປະເທດ, ທ່ານຊົ້ງທ່າວ ລັດຖະມົນຕີຊ່ວຍວ່າການກະຊວງການຕ່າງປະເທດຈີນ, ທ່ານຈ່ຽງຊ້ຽງເຊີນຜູ້ຊ່ຽວລັດຖະມົນຕີກະຊວງການຄ້າຈີນໄດ້ສະເໝີສະພາບກ່ຽວກັບທ່ານນາຍົກຫຼີເຄີ້ສ໋ຽງຈະເຂົ້າຮ່ວມການພົບປະຜູ້ນຳຈີນ-ປະເທດເອີລົບກາງແລະຕາເວັນອອກ, ແລະຈະຢ້ຽມຢາມຣູມານີຢ່າງເປັນທາງການແລະຕອບຄຳຖາມທີ່ກ່ຽວຂ້ອງຂອງນັກຂ່າວຈີນ ແລະ ຕ່າງປະເທດ.
ໜຶ່ງ,ກ່ຽວກັບການພົບປະຜູ້ນຳຈີນ-ປະເທດເອີລົບກາງແລະຕາເວັນອອກ
ທ່ານຊົ້ງທ່າວຊີ້ອອກວ່າ, ປັດຈຸບັນ, ການຮ່ວມມືລະຫວ່າງຈີນ ກັບ ປະເທດເອີລົບກາງ ແລະ ຕາເວັນອອກພວມຢູ່ໃນໄລຍະຂໍກະແຈທີ່ເລິ່ມຕົ້ນ ແລະ ເຕີບໂຕ, ປະເຊີນກັບໜ້າທີ່ສືບຕໍ່ຂະຫຍາຍຕົວ ແລະ ລົງເລິກ. ທ່ານນາຍົກລັດຖະມົນຕີຂອງ 17 ປະເທດເຕົ້າໂຮມກັນຢູ່ນະຄອນຫຼວງບູດາແປັດສ໌, ພ້ອມກັນຫາລືທິດຂະຫຍາຍການຮ່ວມມືລະຫວ່າງຈີນ ກັບ ບັນດາປະເທດເອີລົບຈີນ ແລະ ຕາເວັນອອກໃນອະນາຄົດ, ນີ້ຈະສ້າງກຳລັງຊຸກຍູ້ ແລະ ກຳລັງນຳພາອັນໃຫຍ່ຫຼວງຕໍ່ການຮ່ວມມື. ຮອດເວລານັ້ນ, ທ່ານຫຼີເຄີ້ສ໋ຽງຈະເຂົ້າຮ່ວມກອງປະຊຸມໂຕະມົນ 1+16, ຈະເຂົ້າຮ່ວມແລະກ່າວຄຳປາໃສຢູ່ກິດຈະກຳຕ່າງໆຂອງເວທີປຶກສາຫາລືເສດຖະກິດ-ການຄ້າຈີນ-ປະເທດເອີລົບກາງຕາເວັນອອກຄັ້ງທີ 3 , ແຍກກັນພົບປະນາຍົກລັດຖະມົນຕີປະເທດເອີລົບກາງ ແລະ ຕາເວັນອອກຕ່າງໆທີ່ເຂົ້າຮ່ວມກອງປະຊຸມ.
ທ່ານຊົ້ງທ່າວກ່າວວ່າ, ຝ່າຍຈີນເຊື່ອວ່າ, ພາຍໃຕ້ຄວາມພະຍາຍາມຮ່ວມ ຂອງຝ່າຍຕ່າງໆ, ການພົບປະຜູ້ນຳຈີນ-ປະເທດເອີລົບກາງ ແລະ ຕາເວັນອອກຍ່ອມຈະໄດ້ຮັບຜົນສຳເລັດຢ່າງຈົບງາມ, ແລະເຮັດໃຫ້ການຮ່ວມມືລະຫວ່າງຈີນ ກັບ ບັນດາປະເທດເອີລົບກາງ ແລະ ຕາເວັນອອກເປັນຈຸດເຕີບໂຕຢູ່ໃນການຮ່ວມມືລະຫວ່າງຈີນ ກັບ ເອີລົບ.
ສອງ,ກ່ຽວກັບເວທີປຶກສາຫາລືເສດຖະກິດການຄ້າຈີນ-ປະເທດເອີລົບກາງແລະຕາເວັນອອກຄັ້ງທີ 3
ທ່ານຈ່ຽງຊ້ຽງເຊີນແນະນຳວ່າ, ໃນຖານະທີ່ເປັນກິດຈະກຳສຳຄັນໃນໄລຍະຂອງການຢ້ຽມຢາມຂອງທ່ານນາຍົກຫຼີເຄີ້ສ໋ຽງ, ກະຊວງການຄ້າຈີນ ກັບ ພາກສ່ວນທີ່ກ່ຽວຂ້ອງຂອງຣູມານີພວມກະກຽມເວທີປຶກສາຫາລືເສດຖະກິດການຄ້າຈີນ-ປະເທດເອີລົບກາງຕາເວັນອອກຄັ້ງທີ 3. ທ່ານນາຍົກຫຼີເຄີ້ສ໋ຽງ ກັບ ທ່ານວິກເຕີ ປົນດາ ນາຍົກລັດຖະມົນຕີຣູມານີຈະເຂົ້າຮ່ວມເວທີປຶກສາຫາລື ແລະ ກ່າວຄຳປາໄສສຳຄັນ. ຫົວຂໍ້ຂອງເວທີປຶກສາຫາລືແມ່ນ "ຮ່ວມມືກັນຕ່າງຝ່າຍຕ່າງມີຜົນປະໂຫຍດ, ພ້ອມກັນພັດທະນາ".
ສາມ,ກ່ຽວກັບການຢ້ຽມຢາມຣູມານີ
ທ່ານຊົ້ງທ່າວກ່າວວ່າ, ການຢ້ຽມຢາມໃນເທື່ອນີ້ແມ່ນທ່ານຫຼີເຄີ້ສ໋ຽງຢ້ຽມຢາມປະເທດເອີລົບກາງ ແລະ ຕາເວັນອອກເປັນເທື່ອທຳອິດນັບແຕ່ທ່ານດຳລົງຕຳ
ແໜ່ງເປັນນາຍົກລັດຖະມົນຕີຈີນ, ກໍ່ແມ່ນນາຍົກລັດຖະມົນຕີຈີນຢ້ຽມຢາມຣູມານີເປັນເທື່ອທຳອິດນັບແຕ່ 19 ປີມານີ້, ມີຄວາມໝາຍສຳຄັນຕໍ່ການພົວພັນຈີນ-ຣູມານີ,ການຮ່ວມມືລະຫວ່າງຈີນ ກັບ ປະເທດເອີລົບກາງ ແລະ ຕາເວັນອອກ ກໍຄືການພົວພັນລະຫວ່າງຈີນ ກັບ ເອີລົບ.
