ຕອນເຊົ້າວັນທີ 25 ພະຈິກນີ້, ທ່ານຫຼີເຄີ້ສ໋ຽງ ນາຍົກລັດຖະມົນຕີຈີນໄດ້ເດີນທາງອອກຈາກນະຄອນຫຼວງປັກກິ່ງດ້ວຍຍົນພິເສດເພື່ອໄປຢ້ຽມຢາມຣູມານີຢ່າງເປັນທາງການ, ນີ້ແມ່ນເທື່ອທີ 3 ທີ່ທ່ານຫຼີເຄີ້ສ໋ຽງ ເດີນທາງໄປຢ້ຽມຢາມຕ່າງປະເທດພາຍໃນປີນີ້,ແລະກໍ່ແມ່ນຜູ້ນຳສຳຄັນຂອງຈີນໄປຢ້ຽມຢາມຕ່າງປະເທດເປັນຄັ້ງທຳອິດພາຍຫຼັງກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນ.
ການຢ້ຽມຢາມຣູມານີໃນຄັ້ງນີ້ເປັນຄັ້ງທຳອິດທີ່ນາຍົກລັດຖະມົນຕີຈີນເດີນທາງຢ້ຽມຢາມປະເທດນີ້ໃນຮອບ 19 ປີຜ່ານມາ. ໃນໄລຍະຢ້ຽມຢາມ, ທ່ານຫຼີເຄີ້ສ໋ຽງຍັງຈະເຂົ້າຮ່ວມກອງປະຊຸມຜູ້ນຳຈີນ-ປະເທດເອີລົບກາງແລະເອີຣົບຕາເວັນອອກ. ຫຼັງຈາກນັ້ນ,ທ່ານຫຼີເຄີ້ສ໋ຽງຍັງຈະເດີນທາງໄປອຸສເບກີສະຖານເພື່ອເຂົ້າຮ່ວມກອງປະຊຸມຄັ້ງທີ 12 ຂອງນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮ.
 |
