ທ່ານຫຼີເຄີ້ສ໋ຽງ (ຜູ້ຢູ່ກາງ)ກ່າວປາຖະກະຖາຢູ່ລັດຖະສະພາຣູມານີໃນວັນທີ 28 ພະຈິກນີ້
ວັນທີ 27 ພະຈິກນີ້,ຢູ່ທີ່ລັດຖະສະພາຣູມານີ, ທ່ານຫຼີເຄີ້ສ໋ຽງ ນາຍົກລັດຖະມົນຕີຈີນໄດ້ກ່າວປາຖະກະຖາທີ່ມີຫົວຂໍ້ວ່າ "ໃຫ້ມິດຕະພາບແລະການຮ່ວມມືລະຫວ່າງຈີນ-ຣູມານີສືບຕໍ່ກ້າວເດີນໄປສູ່ອະນາຄົດທີ່ດີງາມ". ທ່ານຄິຼນ ອັນໂຕເນັສຄູ ປະທານສະພາສູງ, ທ່ານວາເລຣີອູ ສໂກເນຍ ປະທານສະພາຕ່ຳແລະທ່ານວິກໂຕ ໂປນທາ ນາຍົກລັດຖະມົນຕີຣູມານີໄດ້ເຂົ້າຮ່ວມຟັງການກ່າວປາຖະກະຖາໃນຄັ້ງນີ້.
ທ່ານຫຼີເຄີ້ສ໋ຽງ ກ່າວປາຖະກະຖາຢູ່ລັດຖະສະພາຣູມານີໃນວັນທີ 28 ພະຈິກນີ້
ທ່ານຫຼີເຄີ້ສ໋ຽງກ່າວວ່າ, ການເປີດກວ້າງການຮ່ວມມືລະຫວ່າງຈີນກັບຣູມານີຈະຊຸກຍູ້ການພັດທະນາດ້ານເສດຖະກິດຂອງເອຣົບກາງແລະຕາເວັນອອກຕະຫຼອດຮອດເສດຖະກິດຈີນ-ເອີຣົບ. ຈີນຍິນດີຮ່ວມກັບຣູມານີກ້າວເດີນໄປໜ້າຢ່າງເດັດດ່ຽວ,ຮ່ວມກັນພັດທະນາການພົວພັນຄູ່ຮ່ວມມືມິດຕະພາບຮອບດ້ານຈີນ-ຣູມານີ.
ໃນເວລາກ່າວຄຳປາໄສເພື່ອສະແດງຄວາມຂອບໃຈ, ທ່ານສະໂກເນຍ ປະທານສະພາຕ່ຳຣູມານີກ່າວວ່າ, ທ່ານຫຼີເຄີ້ສ໋ຽງເດີນທາງມາຢ້ຽມຢາມຣູມານີແລະເຂົ້າຮ່ວມກອງປະຊຸມພົບປະລະຫວ່າງຜູ້ນຳຈີນກັບປະເທດເອີຣົບກາງແລະຕາເວັນອອກໄດ້ຮັບຜົນສຳເລັດຢ່າງຫຼວງຫຼາຍ, ຊຶ່ງເປັນຂີດໝາຍສະແດງໃຫ້ເຫັນວ່າ, ການຮ່ວມມືລະຫວ່າງຣູມານີກັບຈີນໄດ້ກ້າວຂຶ້ນສູ່ລະດັບໃໝ່.ລັດຖະສະພາຣູມານີສະໜັບສະໜູນສອງປະເທດເພີ່ມທະວີການຮ່ວມມືກັນ, ແລະຍິນດີນຳໃຊ້ໂອກາດທີ່ດີທີ່ສອງປະເທດສ້າງສາຍພົວພັນທາງການທູດຄົບຮອບ 65 ປີໃນປີໜ້າ, ຊຸກຍູ້ການພົວພັນຣູມານີ-ຈີນ, ການຮ່ວມມືລະຫວ່າງປະເທດເອີຣົບກາງແລະຕາເວັນອອກກັບຈີນແລະການພົວພັນເອີຣົບ-ຈີນໃຫ້ພັດທະນາກ້າວຂຶ້ນສູ່ລະດັບໃໝ່.
