ວັນທີ 28 ພະຈິກນີ້, ທ່ານຫລີເຄີ້ສ໋ຽງ, ນາຍົກລັດຖະມົນຕີຈີນໄດ້ ເດີນທາງໄປເຖິງສະໜາມບິນໝາຍເລກ 1 ຂອງ ນະຄອນຫລວງຕັກສເກັນຂອງອຸສເບກີສະຖານເພື່ອເຂົ້າຮ່ວມກອງປະຊຸມຄັ້ງທີ 12 ລະຫວ່າງນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮ້.
ທ່ານຊາຟກາດ ເມຍຊີໂຢເຢຟ, ນາຍົກລັດຖະມົນຕີອຸສເບກີສະຖານພ້ອມດ້ວຍເຈົ້າໜ້າທີ່ລະດັບສູງຂອງລັດຖະບານແລະທ່ານຈ່າງຊ່ຽວ, ເອກອັກຄະລັດຖະທູດຈີນປະຈໍາອຸສເບກີສະຖານໄດ້ໄປຕ້ອນຮັບຢູ່ສະໜາມບິນ.
ທ່ານຫລີເຄີ້ສ໋ຽງແມ່ນໄດ້ເດີນທາງໄປເຖິງອຸສເບກີສະຖານພາຍຫລັງເຂົ້າຮ່ວມການພົບປະລະຫວ່າງຜູ້ນໍາຈີນກັບຜູ້ນໍາເອີຣົບກາງແລະເອີຣົບຕາເວັນອອກ ແລະສໍາເລັດການຢ້ຽມຢາມຣູມານີຢ່າງຈົບງາມ
