ຕາມຂ່າວສານຊິນຮວາ, ໃນຫຼາຍມື້ມໍ່ໆມານີ້, ບໍລິສັດເສິນເຈ້ຍມ້ານຮວ້າທ່ຽນສິນ ທີ່ເປັນວິສາຫະກິດກາຕູນທີ່ມີຊື່ສຽງຂອງຈີນ ໄດ້ເລີ່ມການປະກວດການອອກແບບຮູບກາຕູນທົ່ວໂລກຊື່ວ່າ "ເດັກນ້ອຍໃນວັນກຸດຈີນ". ຊ່ຽວຊານກາຕູນພາຍໃນຈີນແລະຕ່າງປະເທດຫຼາຍທ່ານຈະເປັນທີ່ປຶກສາແລະເປັນກຳມະການໃນການປະກວດຄັ້ງນີ້. ທ່ານຈ່າງປິ່ນ ປະທານສະມາຄົມອຸດສາຫະກຳວັດທະນະທຳຈີນກ່າວວ່າ, ບຸນກຸດຈີນແມ່ນບຸນປະເພນີຂອງປະຊາຊາດຈີນ, ສາມາດຜ່ານຈາກການອອກແບບຮູບກາຕູນ ເພື່ອສ້າງກາຕູນຍີ່ຫໍ່ຊື່ດັງທີ່ເຕັມໄປດ້ວຍວັດທະນະທຳທີ່ອຸດົມສົມບູນຂອງຈີນ, ແລະເປັນການໂຄສະນາວັດທະນະທຳດັ້ງເດີມຂອງຈີນຕໍ່ໂລກ.
ຂ່າວແຈ້ງວ່າ, ເລີ່ມແຕ່ເດືອນກຸມພາປີນີ້ເປັນຕົ້ນໄປ, ຝ່າຍເຈົ້າພາບຈະຈັດກິດຈະກຳໂຄສະນາວັດທະນະທຳໃນວັນບຸນກຸດຈີນ ແລະການອອກແບບຮູບກາຕູນ "ເດັກນ້ອຍໃນວັນກຸດຈີນ" ເຊິ່ງໄດ້ຈັດຂຶ້ນຢູ່ຫຼາຍຕົວເມືອງຂອງ 10 ກວ່າປະເທດແລະເຂດແຄວ້ນໃນໂລກ ເຊັ່ນ: ນະຄອນຫຼວງບາງກອກຂອງໄທ, ນະຄອນຫຼວງຈາກາກຕາຂອງອິນໂດເນເຊຍ, ນະຄອນຫຼວງເຊອຸ່ນຂອງສ.ເກົາຫຼີ, ນະຄອນຊັນຕີອາໂກຂອງອາເມລິກາແລະອື່ນໆ.
 |
