ຕາມຂ່າວສານຈີນ, ວັນທີ 23 ມັງກອນນີ້, ເຈົ້າໜ້າທີ່ຕຳຫຼວດຈີນແລະຫວຽດນາມໄດ້ຮ່ວມກັນຄຸ້ມຄອງການຂົນສົ່ງຂ້າມຊາຍແດນຢູ່ເຂດການຄ້າຊາຍແດນຜູຈ້າຍນະຄອນຜິງສຽງເຂດປົກຄອງຕົນເອງເຜົ່າຈ້ວງກວາງຊີຈີນ.
ເຈົ້າໜ້າທີ່ຕຳຫຼວດຈະລາຈອນນະຄອນສົງຈົວເຂດກວາງຊີຈີນກ່າວວ່າ, ສອງປະເທດຈີນແລະຫວຽດນາມມີຮີດຄອງປະເພນີທີ່ຄ້າຍຄືກັນ, ປະຊາຊົນສອງປະເທດລ້ວນແຕ່ສະຫຼອງບຸນກຸດຈີນ, ໃນຖານະເປັນຕະຫຼາດເຂດການຄ້າຊາຍແດນທີ່ໃຫຍ່ທີ່ສຸດຢູ່ຕາມຊາຍແດນຈີນຫວຽດນາມ, ຄວາມກົດດັນດ້ານຄົມມະນາຄົມກໍໄດ້ເພີ່ມຂຶ້ນຢ່າງເດັ່ນຊັດ,. ສອງຝ່າຍໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບວຽກງານຄຸ້ມຄອງຄວາມປອດໄພດ້ານຂົນສົ່ງໝາກໄມ້ເຂົ້າອອກເມືອງຕາມຖະໜົນຫົນທາງໃນຍາມມີລົດເຂົ້າອອກເມືອງຫຼາຍ, ແຕ່ລະມື້, ເຈົ້າໜ້າທີ່ປ້ອງກັນຊາຍແດນຂອງຫວຽດນາມແລະຕຳຫຼວດຈະລາຈອນຂອງນະຄອນຜິງສຽງຈະຕ້ອງໄປປະຕິບັດໜ້າທີ່ຢູ່ດ່ານຊາຍແດນເປັນປະຈຳ ເພື່ອອຳນວຍຄວາມສະດວກໃຫ້ລົດເຂົ້າອອກເມືອງເປັນງວດຢ່າງເປັນລະບຽບ.
ນອກນີ້, ພະແນກທາງລົດໄຟໜານໜິງກໍໄດ້ເພີ່ມທະວີການປະສານງານກັບພາກສ່ວນທາງລົດໄຟຂອງຫວຽດນາມ, ອຳນວຍຄວາມສະດວກໃຫ້ຜູ້ໂດຍສານຢ່າງທັນການ, ເພື່ອຮັບມືກັບສະພາບການທີ່ຜູ້ໂດຍສານມີຫຼາຍກວ່າຄວາມສາມາດຂົນສົ່ງຜູ້ໂດຍສານຂອງທາງລົດໄຟ.
 |
