ຄຽງຄູ່ກັບບຸນກຸດຈີນປີມະເມຍຕາມຈັນທະຄະຕິຈີນໃກ້ຈະວຽນມາເຖິງ, ຕະຫຼາດບາງແຫ່ງຢູ່ນະຄອນຫຼວງວຽງຈັນໄດ້ປະດັບດ້ວຍໂຄມໄຟສີແດງ,ຕົວໜັງສື "福"ສີຄຳ(ແປເປັນພາສາລາວແມ່ນໂຊກດີ)ແລະເຈັ້ຍຂຽນຄຳອວຍພອນປີໃໝ່,ຊຶ່ງເຕັມໄປດ້ວຍບັນຍາກາດກຸດຈີນທີ່ມີສີສັນສີລິມຸງຄູນແລະເບີກບານມ່ວນຊື່ນ,ໄດ້ດຶງດູດລູກຄ້າຈຳນວນຫຼວງຫຼາຍມາຊີ້ເຄື່ອງສຳລັບບຸນກຸດຈີນແລະອະທິຖານໃຫ້ມີຄວາມສຸກໂຊກດີໃນຕະຫຼອດປີໃໝ່ນີ້.
ຄຽງຄູ່ກັບເສດຖະກິດລາວໄດ້ມີການພັດທະນາຢ່າງຈະເລີນຮຸ່ງເຮືອງ, ນັກທຸລະກິດຈີນໄດ້ພາກັນໄປລົງທຶນຢູ່ລາວ, ເຈົ້າຂອງຮ້ານອາຫານ,ຮ້ານພັກແລະບາເຫຼົ້າຫຼາຍແຫ່ງຂອງລາວລ້ວນແຕ່ຫວັງຢາກຂາຍດິບຂາຍດີໃນໄລຍະບຸກກຸດຈີນ. ຜູ້ອຳນວຍການຂອງຮ້ານອາຫານລາວແຫ່ງໜຶ່ງບອກວ່າ, ບຸນກຸດຈີນໃນແຕ່ລະປີ,ພວກເຮົາລ້ວນແຕ່ໄດ້ແຂວນໂຄມໄຟແດງ,ຫວັງວ່າຈະສາມາດດຶງດູດຄົນຈີນມາກິນເຂົ້າຢູ່ຮ້ານອາຫານຂອງຕົນ, ແນ່ນອນແລ້ວກໍ່ຫວັງວ່າໂຄມໄຟແດງຈະສາມາດນຳເອົາໂຊກດີມາໃຫ້ພວກເຮົາ,ປີໃໝ່ຈະໄດ້ຂາຍໝານ,ມີເງິນມີຄຳຫຼາຍຂຶ້ນ.
