ຕາມຂ່າວສານຊິນຮວາ, ເນື່ອງໃນໂອກາດບຸນປີໃໝ່ຕາມຈັນທະຄະຕິຈີນ2014ໃກ້ຈະວຽນມາເຖິງ, ວັນທີ 29 ມັງກອນນີ້, ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳອວຍພອນທາງວີດີໂອຜ່ານທາງເວັບໄຊທາງການຂອງອົງການສະຫະປະຊາຊາດ, ອວຍພອນໃຫ້ປະຊາຊົນຈີນຈົ່ງສະບາຍດີປີໃໝ່.
ພໍເລີ່ມຕົ້ນ, ທ່ານບັນກີມູນໄດ້ໃຊ້ພາສາຈີນແລະພາສາອັງກິດເວົ້າວ່າ: "ສະບາຍດີປີໃໝ່! ຂ້າພະເຈົ້າແມ່ນບັນກີມູນ ເລຂາທິການໃຫຍ່ອົງການສະຫະປະຊາຊາດ." ຕໍ່ມາ, ທ່ານໄດ້ກ່າວຄຳອວຍພອນດ້ວຍພາສາອັງກິດວ່າ: "ເນື່ອງໃນໂອກາດປີໃໝ່ປີມະເມຍໃກ້ຈະວຽນມາເຖິງ, ຂ້າພະເຈົ້າຂໍສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ທ່ານແລະຄອບຄົວຂອງທ່ານ. ສະຫະປະຊາຊາດຮູ້ສຶກເປັນກຽດທີ່ສຸດ ທີ່ສາມາດຮ່ວມມືກັບປະຊາຊົນຈີນຢ່າງແໜ້ນແຟ້ນໃນຫົວຂໍ້ສັນຕິພາບ, ການພັດທະນາ, ສິດທິມະນຸດແລະຫົວຂໍ້ອື່ນໆ. ຂ້າພະເຈົ້າຂໍສະແດງຄວາມຂອບໃຈຢ່າງຈິງໃຈຕໍ່ບັນດາທ່ານທີ່ໃຫ້ຄຳໝັ້ນສັນຍາແລະມີການປະກອບດສ່ວນໃນດ້ານນີ້. ຂໍອວຍພອນໃຫ້ບັນດາທ່ານຈົ່ງມີສຸຂະພາບເຂັ້ມແຂງ, ຄອບຄົວມີຄວາມສຸກ ແລະສົມຄວາມປາຖະໜາທຸກປະການໃນປີໃໝ່ນີ້."
 |
