ໃນວັນທີ 30 ແລະວັນທີ 31 ມັງກອນນີ້ຕາມເວລາທ້ອງຖິ່ນ, ຢູ່ຕຶກ Empire State ທີ່ເປັນອາຄານສັນຍາລັກຂອງນະຄອນນິວຢອກໄດ້ເປີດໄຟແສງສະຫວ່າງເພື່ອບຸນກຸດຈີນ, ເພື່ອພ້ອມກັບຊາວຈີນໃນທົ່ວໂລກສະເຫຼີມສະຫຼອງບຸນປະເພນີສີລິມົງຄຸນດັ່ງກ່າວນີ້.
ໃນເວລາເຂົ້າຮ່ວມພິທີເປີດໄຟແສງສະຫວ່າງທີ່ຈັດຂຶ້ນຢູ່ຕຶກ Empire State , ທ່ານຊູ່ນກົວຊຽງ,ກົງສຸນໃຫຍ່ຈີນປະຈຳນິວຢອກໄດ້ກ່າວຄຳປາໄສວ່າ,ດອກໄຟສີທີ່ປະດັບຢູ່ເທີງຕຶກ Empire State ບໍ່ພຽງແຕ່ໄດ້ສົ່ງຕໍ່ສັນຕິພາບ, ຄວາມຫວັງ, ການຮ່ວມມື ແລະຄວາມສຸກເທົ່ານັ້ນ, ຍັງໄດ້ເປັນສັນຍາລັກແຫ່ງມິດຕະພາບລະຫວ່າງປະຊາຊົນສອງຊາດອີກດ້ວຍ. ປີນີ້ແມ່ນປີທີ່ຈີນແລະອາເມລິກາສ້າງສາຍພົວພັນທາງການທູດຄົບຮອບ 35 ປີ, ດີໃຈຫຼາຍທີ່ໄດ້ເຫັນວ່າການພົວພັນລະຫວ່າງສອງປະເທດໄດ້ກ້າວສູ່ລວງເລິກຢ່າງບໍ່ຢຸດຢັ້ງ.
ໃນໄລຍະບຸນກຸດຈີນ ຢູ່ຕຶກ Empire State ,ນັກທ່ອງທ່ຽວຢູ່ນິວຢອກຍັງມີໂອກາດຊົມງານວາງສະແດງທີ່ມີຫົວຂໍ້ວ່າ "ປ່ອງຢ້ຽມບຸນກຸດຈີນ" ທີ່ມີລັກສະນະພິເສດ, ຜ່ານຕູ້ແກ້ວວາງສະແດງ 4 ຕູ້ສາມາດຮັບຮູ້ວັດທະນະທຳດັ້ງເດີມຂອງຈີນ, ສ່ວນເຄື່ອງປັ້ນດິນເຜົາທີ່ມີຊື່ວ່າ "ມ້ານຳໂຊກໃນຍຸກຈະເລີນຮຸ່ງເຮືອງ"ທີ່ເປັນຜົນງານປະດິດຂອງທ່ານກົ່ວເຟີ່ງ, ນັກດົນຕີຂອງຈີນກໍຈະນຳມາວາງສະແດງຢູ່ໃນງານຄັ້ງນີ້ຄືກັນ.
图释: ທ່ານຊູ່ນກົວຊຽງ,ກົງສຸນໃຫຍ່ຈີນປະຈຳນິວຢອກແລະທ່ານກົ່ວເຟີ່ງ,ນັກດົນຕີຂອງຈີນໃນພິທີເປີດໄຟແສງສະຫວ່າງ
