ວັນທີ 31 ມັງກອນແລ້ວນີ້ແມ່ນມື້ອອກໃໝ່ 1ຄ່ຳເດືອນຈຽງປີມະເມຍຕາມຈັນທະ ຄະຕິຈີນ,ເປັນມື້ທຳອິດຂອງສັບປະດາຄຳໄລຍະບຸນກຸດຈີນ. ແຫຼ່ງທ້ອງທ່ຽວຕົ້ນຕໍແຫ່ງຕ່າງໆ ຂອງ ຈີນເຕັມໄປດ້ວຍນັກທ່ອງທ່ຽວຢ່າງຫຼວງຫຼາຍພາຍມາກ, ຕະຫຼາດການທ່ອງທ່ຽວ ໄດ້ມີການເລີ່ມຕົ້ນການພັດທະນາທີ່ດີໃນປີໃໝ່ປີມະເມຍ.
ຕອນຄ່ຳວັນທີ 31 ມັງກອນແລ້ວນີ້,ນັກຂ່າວໄດ້ຊາບຈາກຫ້ອງວ່າການໃຫຍ່ປະຈຳ ການຂອງກົມທ່ອງທ່ຽວແຫ່ງຊາດຈີນວ່າ, ໃນທົ່ວປະເທດແຕ່ເໜືອຮອດໃຕ້, ແຫຼ່ງທ່ອງທ່ຽວໃນ ຕົວເມືອງທີ່ສຳຄັນຕ່າງໆເຕັມໄປດ້ວຍບັນຍາກາດສະຫຼອງບຸນປີໃໝ່ຢ່າງເບີກບານມ່ວນຊື່ນໃນວັນຂຶ້ນປີໃໝ່ກຸດຈີນ. ແຫຼ່ງທ່ອງທ່ຽວຈຸດສຸມຈຳນວນ 21 ແຫ່ງຂອງນະຄອນຫຼວງປັກກິ່ງ ໄດ້ຕ້ອນຮັບນັກທ່ອງທ່ຽວ 2 ແສນ 7 ໝື່ນ 5000 ເທື່ອຄົນ. ຢູ່ພາກໃຕ້ຂອງຈີນ, ແຫຼ່ງທ່ອງທ່ຽວແຫ່ງຕ່າງໆຂອງນະຄອນຊຽງໄຮໄດ້ຈັດໃຫ້ມີກິດຈະກຳພາຍໃຕ້ຫົວຂໍ້ຕ່າງໆໂດຍປິ່ນອ້ອມວັດທະນະທຳຮີດຄອງປະເພນີບຸນກຸດຈີນແລະປີທ່ອງທ່ຽວສະຕິປັນຍາ 2014. ແຂວງກວ້າງຕຸ້ງໄດ້ຕ້ອນຮັບນັກທ່ອງທ່ຽວ 2 ລ້ານ 6 ແສນເທື່ອຄົນ,ເພີ່ມຂຶ້ນຫຼາຍ ກວ່າໄລຍະດຽວກັນຂອງປີກາຍ 30%. ແຫຼ່ງທ່ອງທ່ຽວຫຼີຈ່ຽງນະຄອນກຸ້ຍລິນເຂດປົກຄອງຕົນເອງເຜົ່າ ຈວ້າງກວາງຊີໄດ້ຕ້ອນຮັບນັກທ່ອງທ່ຽວ 1600 ເທື່ອຄົນ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 156%.
 |
