ວັນທີ 31 ມັງກອນ ແລ້ວນີ້ກົງກັບມື້ອອກໃໝ່ 1 ຄ່ຳ ເດືອນຈຽງປີມະເມຍ ຕາມຈັນທະຄະຕິຈີນ. ຕອນເຊົ້າວັນທີ 31 ມັງກອນແລ້ວນີ້, ທ່ານນາຈິບຕູນ ຣາຊັກ ນາຍົກລັດຖະມົນຕີມາເລເຊຍໄດ້ເດີນທາງໄປເຖິງອາຄານສະມາຄົມຊາວຈີນມາເລເຊຍທີ່ໃຈກາງນະຄອນຫຼວງກົວລາລຳເປີຂອງມາເລເຊຍເພື່ອເຂົ້າຮ່ວມກິດຈະກຳອວຍພອນປີໃໝ່ກຸດຈີນທີ່ຈັດຂຶ້ນໂດຍສະມາຄົມຊາວຈີນມາເລເຊຍ.
ທ່ານນາຈິບໃຫ້ສຳພາດຕໍ່ນັກຂ່າວວ່າ, ເນື່ອງໃນໂອກາດບຸນກຸດຈີນປີມະເມຍຕາມຈັນທະຄະຕິຈີນວຽນມາເຖິງນີ້,ຂໍຝາກຄວາມຢື້ຢາມຖາມຂ່າວແລະອວຍໄຊໃຫ້ພອນຢ່າງອົບອຸ່ນທີ່ສຸດໄປຍັງປະຊາຊົນຈີນ, ຫວັງວ່າການພົວພັນລະຫວ່າງມາເລເຊຍກັບຈີນຈົ່ງມີການພັດທະນາຫຼາຍຍິ່ງໆຂຶ້ນໃນປີໃໝ່ນີ້. ທ່ານກ່າວວ່າ, ຂ້າພະເຈົ້າເຊື່ອໝັ້ນວ່າ ການພົວພັນລະຫວ່າງມາເລເຊຍ-ຈີນທີ່ສ້າງຕັ້ງຂຶ້ນໃນ 40 ປີກ່ອນ,ມາຮອດປັດຈຸບັນກຳລັງມີການພັດທະນາເຕີບໂຕຢ່າງບໍ່ຢຸດຢັ້ງ. ພວກຂ້າພະເຈົ້າຄອງຄອຍຈະຮ່ວມມືຢ່າງແໜ້ນແຟ້ນກັບຜູ້ນຳຈີນເພື່ອສ້າງຄວາມຈະເລີນຮຸ່ງເຮືອໃຫ້ແກ່ສອງປະເທດມາເລເຊຍຈີນ.
 |
