ວັນທີ 31 ມັງກອນແລ້ວນີ້, ສູນວັດທະນະທຳຈີນແຫ່ງມົສກູຂອງຣັດເຊຍໄດ້ຈັດງານວາງສະແດງ "ສຳຜັດກັບບຸນກຸດຈີນ", ຜູ້ຊົມໄດ້ຊົມການສະແດງທີ່ປະທັບໃຈ, ຮ່ວມກັນເຮັດຂະໜົມ ກ້ຽວແລະທວາຍຄຳປິດສະໜາ, ໄດ້ສຳຜັດກັບປະເພນີບຸນກຸດຈີນດ້ວຍຕົນເອງ.
ໃນກິດຈະກຳທີ່ຈັດຂຶ້ນໃນວັນທີ 31 ມັງກອນແລ້ວນີ້, ນັກສະແດງນ້ອຍຂອງຄະນະສິລະປະກອນເດັກນ້ອຍ "ກະລິນກາ"ຂອງຣັດເຊຍໄດ້ສະແດງການເຕັ້ນລຳດ້ວຍໂຄມໄຟແລະວີ, ໂຮງຮຽນອູຊູຊື້ຢຽນປິ່ນໄດ້ສະແດງອູຊູທີ່ໜ້າປະທັບໃຈ. ຫຼັງຈາກນັ້ນ, ຜູ້ຊົມທັງຫຼາຍໄດ້ຮ່ວມກັນເຮັດຂະໜົມກ້ຽວ, ທວາຍຄຳປິດສະໜາ, ເຮັດຫັດຖະກຳຕັດເຈ້ຍແລະຂຽນຄຳຄະຕິຄູ່ບຸນກຸດຈີນ. ຜູ້ຊົມຍັງໄດ້ຊິມອາຫານຈີນທີ່ແຊບຊ້ອຍ, ແລະໄດ້ຮັບຮູ້ປະຫວັດຄວາມເປັນມາແລະປະເພນີກ່ຽວກັບບຸນກຸດຈີນຈາກການວາງສະແດງທີ່ມີຮູບພາບແລະຕົວໜັງສື. ກິດຈະກຳຕ່າງໆ "ບຸນກຸດຈີນທີ່ມ່ວນຊື່ນ"ຂອງສູນວັດທະນະທຳຈີນແຫ່ງມົສກູຈະດຳເນີນເປັນເວລາໜຶ່ງເດືອນ, ເນື້ອໃນລວມທັງການສາຍຮູບເງົາຈີນແລະການສອນຄວາມຮູ້ກ່ຽວກັບບຸນກຸດຈີນເປັນຕົ້ນ.
