ໃນຖານະທີ່ເປັນວັນບຸນອັນມີມູນເຊື້ອທີ່ມີສີສັນພິເສດທີ່ສຸດຂອງຈີນ, ບຸນກຸດຈີນໄດ້ມີປະຫວັດສາດເປັນເວລາຍາວກວ່າ 4 ພັນກວ່າປີ. ເຖິງວ່າລະດູໜາວບໍ່ແມ່ນລະດູທີ່ດີທີ່ສຸດສຳລັບທ່ຽວເມືອງຈີນ, ແຕ່ຍັງມີຄົນຕ່າງປະເທດຈຳນວນຫຼວງຫຼາຍມາຮອດຈີນໃນຍາມບຸນກຸດຈີນເພື່ອສຳຜັດກັບກິດຈະກຳປະເພນີທີ່ຈັດຂຶ້ນຢູ່ແຫ່ງຕ່າງໆຂອງຈີນ.
ລະຄອນໜັງຕະລຸງມີປະຫວັດສາດເປັນເວລາ 2 ພັນກວ່າປີ, ປັດຈຸບັນ ໄດ້ຖືກຈັດເປັນມໍລະດົກວັດທະນະທຳທີ່ບໍ່ແມ່ນວັດຖຸຂອງໂລກ. ຢູ່ບຸນວັດໃນຫ້ອງແຫ່ງໜຶ່ງຂອງປັກກິ່ງ, ນາງລາຣາ ເດັກຍິງອາຍຸ 10 ປີຂອງອາເມລິກາພວມຮຽນລະຄອນໜັງຕະລຸງກັບທ່ານວາງລຽນຕຸ່ງ ເຊິ່ງເປັນຊ່າງໜັງຕະລຸງ. ນາງລາຣາຖືໜັງຕະລຸງທີ່ເປັນຮັບເຕົ່າ ກັບ ນ້ອງສາວໄດ້ສະແດງຢູ່ໜ້າຈໍສີຂາວເປັນເວລາດົນ, ດີໃຈຫຼາຍໆ.
ທ່ານວາງລຽນຕຸ່ງກ່າວວ່າ, ປັດຈຸບັນ ເພື່ອໃຫ້ຄົນຈີນ ແລະ ຄົນຕ່າງປະເທດສາມາດເຂົ້າໃຈລະຄອນຕະລຸງ, ພວກເຂົາເຈົ້າໄດ້ຫັນການເວົ້າ ແລະ ຮ້ອງທີ່ເປັນເວລາດົນໃນເມື່ອກ່ອນນັ້ນມາເປັນການສະແດງເປັນຮູບເງົາ. ປັດຈຸບັນ, ຄົນຕ່າງປະເທດຈຳນວນຫຼາຍມັກລະຄອນໜັງຕະລຸງຫຼາຍສົມຄວນ, ທ່ານຫວັງວ່າ, ສີມືນີ້ຈະສາມາດໄດ້ຮັບການສືບທອດຕໍ່ໄປ. ທ່ານວິບູນ ຄູສະກຸນ ເອກອັກຄະລັດຖະທູດໄທປະຈຳຈີນບອກນັກວ່າກວ່າ,ປີກາຍນີ້ຊາວໄທທີ່ມາທ່ຽວເມືອງຈີນມີ 5 ແສນຄົນ, ຍ້ອນວ່າຄວາມແຕກຕ່າງກັນຂອງລະດູການ, ຄົນໄທຈຳນວນຫຼາຍຫວັງຢາກສຳຜັດກັບຈີນໃນລະດູໜາວ.
ທ່ານນາງມາຣີອາແມ່ນວາທະຍາກອນວົງດົນຕີໃນຣົ່ມສາກົນປັກກິ່ງ, ນາງໄດ້ດຳລົງຊີວິດຢູ່ປັກກິ່ງເປັນເວລາ 7 ປີແລ້ວ, ນາງເຫັນວ່າ, ນະຄອນຫຼວງປັກກິ່ງ, ນະຄອນຊຽງໄຮ, ເມືອງຮາເອີປິນ ໂດຍສະເພາະແມ່ນບຸນຮູບຄວັດນ້ຳກ້ອນສາກົນໃນລະດູຮ້ອນເປັນຕາເບິ່ງອີຫຼີ. ນາງເວົ້າວ່າ, "ຂ້ອຍມັກຈີນຫຼາຍ, ນີ້ແມ່ນສາເຫດທີ່ຂ້ອຍມາຢູ່ແຫ່ງນີ້ເປັນເວລາດົນແນວນີ້, ແລະຍັງຈະຢູ່ຈີນໃນ 10 ປີຕໍ່ໄປ."
