ວັນທີ 4 ກຸາພານີ້, ກະຊວງການຄ້າຈີນໄດ້ປະກາດຕົວເລກຕິດຕາມວັດແທກສະແດງໃຫ້ເຫັນວ່າ, ໃນ 4 ມື້ທຳອິດຂອງຍາມບຸນກຸດຈີນ, ຕະຫຼາດບໍລິໂພກແຫ່ງຕ່າງໆຂອງຈີນຈະເລີນຮຸ່ງເຮືອງອີຫຼີ.
ການບໍລິໂພກໃນຍາມບຸນກຸດຈີນປີ 2014 ມີຈຸດພິເສດເຫຼົ່ານີ້: ໜຶ່ງ, ສິນຄ້າຄຸນນະພາບດີລາຄາຖືກຂາຍໄດ້ດີ. ປະເພດສິນຄ້າທີ່ລາຄາຖືກ ແລະ ມີການຫຸ້ມຫໍ່ແບບງ່າຍໆຂາຍດິບຂາຍດີ, ສ່ວນການຈຳໜ່າຍຂອງຂວັນຫຼູຫຼາພັດຫຼຸດລົງ.ສອງ, ອາຫານປະເພດສາມັນຊົນຈະເລີນທີ່ສຸດ. ຄອບຄົວເຕົ້າໂຮມກັນກິນອາຫານ, ໝູ່ເພື່ອນຕ່າງໆເຕົ້າໂຮມກັນຈັດກິດຈະກຳກາຍເປັນ "ກະແສຫຼັກ" ໃນຕະຫຼາດອາຫານຍາມບຸນກຸດຈີນ, ຮ້ານອາຫານຫຼູຫຼາພາກັນປ່ຽນໄປທຸລະກິດຢ່າງອື່ນ. ສາມ, ການບໍລິໂພກດ້ານການພັກຜ່ອນລື່ນເລີງໄດ້ຮັບຄວາມນິຍົມຊົມຊອບ. ປະຊາຊົນນັບມື້ນັບມັກຮູບແບບພັກຜ່ອນຫຼິ້ນບຸນ ເຊັ່ນ ການທ່ອງທ່ຽວ, ການຮຽນ, ລື່ນເລີງ ແລະການອອກກຳລັງກາຍເປັນຕົ້ນ. ສີ່, ການບໍລິໂພກດ້ານຂໍ້ມູນເພີ່ມຂຶ້ນຢ່າງວ່ອງໄວ. ປະຊາຊົນນັບມື້ນັບມັກຊື້ສິນຄ້າຍາມບຸນກຸດຈີນຢູ່ອິນເຕີເນັດ. ການອວຍພອນປີໃໝ່ດ້ວຍການສົ່ງຂໍ້ຄວາມສັ້ນ (Micro message) ກາຍເປັນວິທີໃໝ່, ການສົ່ງຂໍ້ຄວາມສັ້ນ (Micro message) ໃນມື້ສົ່ງທ້າຍປີເກົ່າແມ່ນ 2 ເທົ່າຂອງປີກາຍນີ້, ສະເລ່ຍແລ້ວ,ຍາມຫຼາຍທີ່ສຸດໄດ້ສົ່ງອອກຂໍ້ຄວາມສັ້ນ 10 ລ້ານຂໍ້ຕໍ່ໜຶ່ງນາທີ.
