ວັນທີ 5 ກຸມພານີ້, ຫ້ອງການຄຸ້ມຄອງດອກໄມ້ໄຟໝາກກະໂພກນະຄອນຫຼວງປັກກິ່ງແຈ້ງໃຫ້ຮູ້ວ່າ, ນັບແຕ່ຕອນຮຸ່ງເຊົ້າວັນທີ 30 ມັງກອນແລ້ວນີ້ ຫາ 24 ໂມງວັນທີ 4 ກຸມພານີ້, ນະຄອນຫຼວງປັກກິ່ງໄດ້ຈຳໜ່າຍດອກໄມ້ໄຟ ແລະ ໝາກກະໂພກ 1 ແສນ 9 ໝື່ນ 5000 ກວ່າຫີບ, ຫຼຸດລົງ 37,7% ເມື່ອທຽບກັບປີກາຍນີ້, ຍອດປະລິມານການຈູດ ແລະ ເວລາທີ່ຈູດດອກໄມ້ໄຟ ແລະ ໝາກກະໂພກໜ້ອຍກວ່າປີທີ່ຜ່ານມາຢ່າງເດັ່ນຊັດ.
ນອກນີ້, ການຈູດດອກໄມ້ໄພ ແລະ ໝາກກະໂພກຢູ່ປັກກິ່ງມີລະບຽບຮຽບຮ້ອຍດີ, ໄດ້ບັນລຸເປົ້າໝາຍທີ່ບໍ່ເກີດອຸປະຕິເຫດໃຫຍ່ຍ້ອນຈູດດອດໄມ້ໄຟ ແລະ ໝາກກະໂພກ.
