ຕາມຂ່າວສານຊິນຮວາ: ຕອນຄ່ຳວັນທີ 6 ກຸມພານີ້ ຢູ່ສູນປະຊຸມແລະວາງສະແດງໂບເນໂອນະຄອນກູຊິງ ເທດສະບານລັດສະຣະວັກຂອງມະເລເຊຍ, ກອງສິລະປະອາຊີ "ວັດທະນະທຳຈີນ-ຊື້ໄຫທົງຊຸ່ນ" ຂອງຈີນໄດ້ສະແດງຮັບໃຊ້ງານລາຕີທີ່ໜ້າຈັບໃຈໃຫ້ແກ່ຊາວຈີນຕ່າງດ້າວແລະຊາວມະເລເຊຍເຊື້ອສາຍຈີນຢູ່ລັດສະຣະວັກ, ມີຜູ້ຊົມ 5 ພັນກວ່າຄົນໄດ້ຊົມລາຍການສະແດງຕ່າງໆເຊັ່ນ: ການຮ້ອງເພງ, ຟ້ອນລຳ, ກັງຟູ ແລະເສບດົນຕີເປັນຕົ້ນທີ່ສະແດງໂດຍນັກສິລະປິນຈີນ.
ໃນເວລາກ່າວຄຳປາໄສ ທ່ານອຶງຊູນໂຄ ລັດຖະມົນຕີຊ່ວຍວ່າການກະຊວງການເງິນ ທັງເປັນລັດຖະມົນຕີວ່າການກະຊວງອົງການປົກຄອງທ້ອງຖິ່ນແລະການພັດທະນາເຂດຊຸມຊົນຂອງລັດສະຣະວັກໄດ້ກ່າວວ່າ: ປະເທດຕ່າງໆໃນໂລກຕ່າງກໍຍ້ອງຍໍຊົມເຊີຍທີ່ສຸດຕໍ່ວັດທະນະທຳຈີນທີ່ມີປະຫວັດສາດອັນຍາວນານແລະມີເນື້ອໃນທີ່ອຸດົມສົມບູນ, ເຊື່ອວ່າ, ສິ່ງທີ່ກອງສິລະປະ "ວັດທະນະທຳຈີນ-ຊື້ໄຫທົງຊຸ່ນ" ນຳມາສະແດງໃຫ້ເບິ່ງຊົມໃນເທື່ອນີ້ ບໍ່ພຽງແຕ່ແມ່ນການສະແດງທີ່ໜ້າຈັບໃຈເທົ່ານັ້ນ, ແຕ່ຍັງແມ່ນຄວາມຮັກແພງອັນເລິກເຊິ່ງຂອງປະຊາຊົນຈີນທີ່ມີຕໍ່ປະຊາຊົນມະເລເຊຍອີກ.