ຫລັງຈາກໄດ້ສະແດງຢູ່ນະຄອນຫລວງລອນດອນຂອງອັງກິດແລະນະຄອນມາເຊນຂອງຝຣັ່ງແລ້ວ, ຄະນະສິລະປີນຂອງເອີຣົບທີ່ຊື່ວ່າ"ວັດທະນະທໍາຈີນ·ສະຫລອງບຸນກຸດຈີນຮ່ວມກັນ"ໄດ້ສະຫລອງບຸນກຸດຈີນແລະການສ້າງຕັ້ງການພົວພັນທາງການທູດຈີນ-ຝຣັ່ງຄົບຮອບ 50 ປີກັບຄົນຈີນແລະຄົນເຊື້ອສາຍຈີນຫລາຍພັນຄົນຢູ່ຫໍກິລາປາຣີໃນຕອນຄໍ່າວັນທີ 9 ກຸມພານີ້.
ທ່ານຈາຍຈູ້ນ, ເອອັກຄະລັດຖະທູດຈີນປະຈໍາຝຣັ່ງກໍໄດ້ໄປຊົມການສະແດງດັ່ງກ່າວ. ໃນເວລາກ່າວຄໍາປາໄສ, ທ່ານຈາຍຈູ້ນກ່າວວ່າ, ວັດທະນທໍາດ້ານບຸນກຸດຈີນໄດ້ເຊື່ອມເຂົ້າກັບວັດທະນະທໍາວັນບຸນຕ່າງໆຂອງຝຣັ່ງ ແລະກາຍເປັນຊັບສິນດ້ານວັດທະນະທໍາຮ່ວມກັນຂອງສອງປະເທດ. ທ່ານຫວັງວ່າຄົນຈີນແລະຄົນເຊື້ອສາຍຈີນຢູ່ຝຣັ່ງຈະສາມາດເສີມຂະຫຍາຍບົດບາດທີ່ເປັນຂົວຕໍ່ ເພື່ອປະກອບສ່ອນທີ່ຫລາຍກວ່າເກົ່າເຂົ້າໃນການຊຸກຍູ້ການແລກປ່ຽນລະຫວ່າງສອງປະເທດແລະປະຊາຊົນສອງຊາດ.
