ຕາມຂ່າວສານຊິນຮວາ: "ທ່ານອາເບ ຊິນໂຈໄດ້ເສຍຄວາມເຊື່ອໝັ້ນຂອງລັດຖະບານຈີນແລະປະຊາຊົນຈີນທີ່ມີຕໍ່ທ່ານແລ້ວ." ວັນທີ2 ມີນານີ້, ທ່ານຫຼີຊິ່ນຮວາ ໂຄສົກກອງປະຊຸມສະພາເປິກສາການເມືອງປະຊາຊົນຈີນຄັ້ງທີ2 ຊຸດທີ12 ໄດ້ປະກອບຄວາມຄິດຄວາມເຫັນດັ່ງກ່າວໃນເວລາກ່າວເຖິງການພົວພັນລະຫວ່າງຍີ່ປຸ່ນກັບຈີນ.
ທ່ານຫຼີຊິ່ນຮວາກ່າວວ່າ, ຜູ່ນຳຍີ່ປຸ່ນດ້ານໜຶ່ງກ່າວວ່າຈະພົບປະແລະສົນທະນາກັບຜູ່ນຳຈີນ, ອີກດ້ານໜຶ່ງພັດບໍ່ເອົາຫົວຊານຳການພົວພັນລະຫວ່າງຈີນຍີ່ປຸ່ນແລະສະເຖຍລະພາບຂອງພາກພື້ນ, ສ້າງສະພາບການເຄັ່ງຕຶງທາງການທະຫານແລະເພີ່ມອຸປະກອບອາວຸດທີ່ກ້າວໜ້າເລື້ອຍໆ, ນີ້ໄດ້ເຜີຍແບໃຫ້ເຫັນເຖິງໜ້າຕາເປັນນົກສອງຫົວແລະ "ເປັນຜູ່ທີ່ກໍ່ເລື້ອງກໍ່ລາວຢູ່ພາກພື້ນນີ້ເຂດແຄວ້ນ" ຢ່າງສຸດກົກສຸດປາຍ.
ທ່ານກ່າວວ່າ, ພວກຂ້າພະເຈົ້າກໍ່ໄດ້ໃສ່ໃຈວ່າ, ປະຊາຄົມໂລກແລະພັກຝ່າຍ, ນັກການເມືອງ, ສື່ມວນຊົນແລະປະຊາຊົນທີ່ມີເຈດຈຳນົງເປັນທຳກໍ່ເປັນຫ່ວງຕໍ່ເລື່ອງນີ້:" ປະຊາຊົນຍີ່ປຸ່ນບໍ່ຢາກໃຫ້ຍີ່ປຸ່ນຊ້ຳຮອຍເກົ່າ, ປະຊາຄົມໂລກບໍ່ອະນຸຍາດໃຫ້ຍີ່ປຸ່ນຖອຍຄືນຫຼັງໃນດ້ານປະຫວັດສາດ."