ກອງປະຊຸມເທື່ອທີ 2 ຂອງສະພາປະຊາຊົນແຫ່ງຊາດຈີນຊຸດທີ 12 ໄດ້ຈັດກອງປະຊຸມ ກະກຽມຢູ່ຫໍສະພາປະຊາຊົນທີ່ນະຄອນຫຼວງປັກກິ່ງໃນຕອນເຊົ້າວັນທີ 4 ມີນານີ້, ໂດຍການເປັນປະທານຂອງທ່ານຈ່າງເຕີຈ່ຽງ ປະທານຄະນະປະຈຳສະພາປະຊາຊົນແຫ່ງຊາດຈີນ. ກອງປະຊຸມໄດ້ເລືອກຕັ້ງຄະນະປະທານພ້ອມເລຂາທິການຂອງກອງປະຊຸມເທື່ອທີ 2 ຂອງສະພາ ປະຊາຊົນແຫ່ງຊາດຈີນສະໄໝທີ 12 , ແລະໄດ້ລົງຄະແນນສຽງຮັບຮອງເອົາວາລະຂອງກອງປະຊຸມເທື່ອທີ 2 ຂອງສະພາປະຊາຊົນແຫ່ງຊາດຈີນຊຸດທີ 12 .
ທ່ານຈ່າງເຕີຈ່ຽງໃນນາມເປັນປະທານກອງປະຊຸມໄດ້ ປະກາດວ່າ, ກອງປະຊຸມເທື່ອທີ 2 ຂອງສະພາປະຊາຊົນແຫ່ງຊາດຈີນຊຸດທີ 12 ຈະໄຂຂຶ້ນໃນວັນທີ 5 ມີນານີ້, ວຽກງານກະກຽມທຸກດ້ານຂອງກອງປະຊຸມໄດ້ກຽມພ້ອມຮຽບຮ້ອຍແລ້ວ.
ກອງປະຊຸມກະກຽມໄດ້ຜ່ານການລົງຄະແນນສຽງແລ້ວເລືອກຕັ້ງຄະນະປະທານແລະເລຂາທິການຂອງກອງປະຊຸມເທື່ອທີ 2 ຂອງສະພາປະຊາຊົນແຫ່ງຊາດຈີນຊຸດທີ 12. ຄະນະປະທານກອງປະຊຸມປະກອບດ້ວຍ 176 ຄົນ ໂດຍມີທ່ານຫຼີ້ຈ້ຽນໂກວເປັນເລຂາທິການຂອງກອງປະຊຸມ.