ວັນທີ 4 ມີນານີ້, ຜູ້ນຳພັກ-ລັດຈີນ ເຊັ່ນ ທ່ານສີຈິ້ນຜິງ, ທ່ານຫຼີເຄີ້ສຽງ, ທ່ານຈ່າງເຕີຈ່ຽງດ ທ່ານຢີເຈິ້ງເຊິ່ງ, ທ່ານຫຼິວຢຸນຊ່ານ, ທ່ານຫວາງສີຊ່ານ ແລະ ທ່ານຈ່າງກ່າວລີ້ ຕ່າງໄດ້ໂອ້ລົມກັບຄະນະກຳມະການທີ່ເຂົ້າຮ່ວມກອງປະຊຸມສະພາປຶກສາການເມືອງປະຊາຊົນແຫ່ງ ຊາດຄັ້ງທີ 2 ສະໄໝທີ 12 ແລະ ເຂົ້າຮ່ວມການແບ່ງໜ່ວຍຄົ້ນຄວ້າ, ເພື່ອປຶກສາຫາລືກັບຄະນະກຳມະການກ່ຽວກັບວຽກບ້ານການເມືອງ.
ໃນເວລາເຂົ້າຮ່ວມການປຶກສາຫາລືໃນໜ່ວຍປະສົມຄະນະກຳມະການຊົນເຜົ່າສ່ວນໜ້ອຍ, ທ່ານສີຈິ້ນຜິງ ໄດ້ກ່າວເນັ້ນວ່າ, ປະຊາຊົນບັນດາ ເຜົ່າໃນທົ່ວປະເທດລ້ວນແຕ່ຕ້ອງຖະໜຸຖະໜອມສະພາບການເມືອງທີ່ມະຫາສາມັກຄີທົ່ວປວງຊົນທັງຊາດ, ລ້ວນແຕ່ຕ້ອງເດັດດ່ຽວຄັດຄ້ານກິ ລິຍາວາຈາຕ່າງໆທີ່ຈະກະທົບເຖິງຄວາມມະຫາສາມັກຄີຂອງຊົນເຜົ່າຕ່າງໆ, ເຮັດໃຫ້ມູນເຊື້ອອັນມີກຽດທີ່ຊົນເຜົ່າຕ່າງໆໄດ້ສາມັກຄີເປັນປຶກແຜ່ນດຽວກັນນັ້ນໃຫ້ສືບທອດກັນໄປໃນທຸກເຊັ່ນຄົນ.
ທ່ານຫຼີເຄີ້ສຽງ ໄດ້ເຂົ້າຮ່ວມໜ່ວຍປະສົມຄະນະກຳມະການຈາກວົງການເສດຖະກິດແລະວົງການກະສິກຳ, ໂດຍກ່າວເນັ້ນວ່າ, ຕ້ອງຮັກສາສະພາບເສດຖະກິດທີ່ມີທ່າຂະຫຍາຍທີ່ດີໃນສະພາບຄວາມໝັ້ນທ່ຽງ, ຍຶດໝັ້ນຖືການປະຕິຮູບເປັນແຮງຊຸກຍູ້, ຕັ້ງໜ້າພັດທະນາລະບອບເສດຖະກິດກຳມະສິດປະສົມ. ຜ່ານການປະດິດສ້າງດ້ານໂຄງປະກອບ ແລະ ດ້ານວິທະຍາສາດ-ເຕັກນິກ, ຊຸກຍູ້ການຫັນເປັນທັນສະໄໝດ້ານກະສິກຳ, ຊຸກຍູ້ໃຫ້ກະສິກຳມີການພັດທະນາ, ຊາວກະສິກອນມີລາຍຮັບເພີ່ມຂຶ້ນ ແລະ ຊົນນະບົດມີຄວາມຈະເລີນຮຸ່ງເຮືອງ.