ໄຂກອງປະຊຸມສະພາປະຊາຊົນແຫ່ງຊາດຈີນຄັ້ງທີ 2 ສະໄໝທີ 12 ຢູ່ຫໍສະພາປະຊາຊົນໃນເວລາ 9 ໂມງຂອງວັນທີ 5 ມີນານີ້. ທ່ານສີຈິ້ນຜິງ, ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ທ່ານຫຼີເຄີ້ສຽງ, ນາຍົກລັດຖະມົນຕີຈີນ, ທ່ານຢີເຈີ້ງເສິ່ງ, ປະທານສະພາປຶກສາການເມືອງປະຊາຊົນແຫ່ງຊາດຈີນ, ທ່ານຫຼຽວຢູນຊານ, ກຳມະການປະຈຳກົມການເມືອງສູນກາງພັກ, ຄະນະເລຂາທິການສູນກາງພັກ, ທ່ານຫວາງສີຊານ, ກຳມະການປະຈຳກົມການເມືອງສູນກາງພັກ, ປະທານຄະນະກຳມະການກວດກາວິໄນສູນກາງພັກ, ທ່ານຈ່າງກ່າວລີ້, ກຳມະການປະຈຳກົມການເມືອງສູນກາງ, ຮອງນາຍົກລັດຖະມົນຕີໄດ້ເຂົ້າຮ່ວມກອງປະຊຸມ. ທ່ານຈ່າງເຕີຈ່ຽງ, ກຳມະການປະຈຳກົມການເມືອງສູນກາງພັກ, ປະທານສະພາປະຊາຊົນແຫ່ງຊາດຈີນເປັນປະທານຂອງກອງປະຊຸມ.