ວັນທີ 8 ມີນານີ້, ຢູ່ທີ່ປັກກິ່ງ,ທ່ານວາງອີ້ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ໃນບັນຫາທີ່ກ່ຽວພັນເຖິງຜືນແຜ່ນດນ ແລະ ອະທິປະໄຕ, ຫຼັກໝັ້ນຂອງຈີນແມ່ນເດັດດ່ຽວໜຽວແໜ້ນ ແລະ ຈະແຈ້ງ, ຖ້າບໍ່ແມ່ນຂອງພວກຂ້າພະເຈົ້າ, ຫຼາຍເທົ່າໃດກໍ່ບໍ່ເອົາ, ຖ້າແມ່ນຂອງພວກຂ້າພະເຈົ້າ, ມີໜ້ອຍເທົ່າໃດກໍ່ຍ່ອມຈະປ້ອງກັນຮັກສາ.
ວັນທີ 8 ມີນານີ້, ກອງປະຊຸມຄັ້ງທີ 2 ຂອງສະພາປະຊາຊົນແຫ່ງຊາດຈີນສະໄໝທີ 12 ໄດ້ຈັດກອງປະຊຸມຂ່າວ, ທ່ານວາງອີ້ແມ່ນກ່າວຄວາມນີ້ໃນເວລາຕອບຄຳຖາມຂອງນັກຂ່າວ.
ທ່ານວາງອີ້ກ່າວວ່າ, ກ່ຽວກັບຂໍ້ຂັດແຍ່ງກ່ຽວກັບຜືນແຜ່ນດິນ ແລະ ສິດຜົນປະໂຫຍດທາງທະເລລະຫວ່າງຈີນ ກັບ ບາງປະເທດ, ພວກຂ້າພະເຈົ້າຍິນດີເດັດດ່ຽວຜ່ານການປຶກສາຫາລື ແລະ ການເຈລະຈາອັນສະເໝີພາບ, ແກ້ໄຂຢ່າງເໝາະສົມດ້ວຍສັນຕິວິທີ ບົນພື້ນຖານທີ່ເຄົາລົບຄວາມຈິງໃນປະຫວັດສາດ ແລະ ກົດໝາຍສາກົນ, ຫຼັກການດັ່ງກ່າວກໍ່ຈະບໍ່ມີການປ່ຽນແປງໃນອະນາຄົດຢ່າງເດັດຂາດ.