ໃນເວລາເວົ້າເຖິງການພົວພັນຈີນກັບຍີ່ປຸ່ນ,ລັດຖະມົນຕີການຕ່າງປະເທດຈີນກ່າວວ່າ, ມີແຕ່ແກ້ໄຂບັນຫາໃນອະດີດຢ່າງແທ້ຈິງ, ຈິ່ງສາມາດທຳລາຍສະພາບຄາກັນ, ແລະບຸກເບີກອະນາຄົດ
2014-03-08 14:38:32 cri
ວັນທີ 8 ມີນານີ້, ໃນກອງປະຊຸມຂ່າວຂອງກອງປະຊຸມຄັ້ງທີ 2 ຂອງສະພາປະຊາຊົນແຫ່ງຊາດຈີນສະໄໝທີ 12, ທ່ານວາງອີ້ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ມີແຕ່ແກ້ໄຂບັນຫາໃນອະດີດຢ່າງແທ້ຈິງ, ຈິ່ງສາມາດທຳລາຍສະພາບຄາກັນ, ແລະບຸກເບີກອະນາຄົດ. ມີແຕ່ຍຶດໝັ້ນເດີນຕາມເສັ້ນທາງສັນຕິພາບຢ່າງແທ້ຈິງ, ຈິ່ງຈະສາມາດໄດ້ຮັບຄວາມໄວ້ເນື້ອເຊື່ອໃຈກັນຈາກປະເທດໃກ້ຄຽງ ແລະ ໂລກ. ຫວັງວ່າ, ຜູ້ນຳຍີ່ປຸ່ນສາມາດຮັບຮູ້ເຖິງເຫດຜົນຂັ້ນພື້ນຖານເຫຼົ່ານີ້, ສາມາດເຄົາລົບມະໂນທຳຂອງມະນຸດ ແລະ ມາດຕະຖານພື້ນຖານຂອງຄວາມຄວາມຈິງທີ່ບໍ່ຕ້ອງພິສູດຂອງສາກົນ.
