ວັນທີ 8 ມີນານີ້, ໃນກອງປະຊຸມຂ່າວຂອງກອງປະຊຸມຄັ້ງທີ 2 ຂອງສະພາປະຊາຊົນແຫ່ງຊາດຈີນສະໄໝທີ 12, ທ່ານວາງອີ້ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ກອງປະຊຸມສຸດຍອດປະສານງານ ແລະ ເພີ່ມຄວາມໄວ້ເນື້ອເຊື່ອໃຈກັນອາຊີ ແລະ ກອງປະຊຸມAPEC ແມ່ນເຫດການສຳຄັນທີ່ສຸດຂອງວຽກງານການຕ່າງປະເທດຈີນໃນປີນີ້. ຈີນຈະຕັ້ງໜ້າເສີມຂະຫຍາຍບົດບາດທີ່ເປັນປະເທດໃຫຍ່ທີ່ຮັບຜິດຊອບຢ່າງເປັນເຈົ້າການກວ່າເກົ່າ, ສະໜັບສະໜູນຄວາມເປັນທຳ, ຂະຫຍາຍຕາມຫຼັກການຍຸດຕິທຳ ແລະ ປະຕິບັດຄວາມສະເໝີພາບໃນການໄປມາຫາສູ່ສາກົນ.
ທ່ານວາງອີ້ກ່າວວ່າ, ເວລາໜຶ່ງປີມານີ້, ຈີນໄດ້ຮັກສາອະທິປະໄຕຜືນແຜ່ນດິນ ແລະ ສິດຜົນປະໂຫຍດທາງທະເລຢ່າງແຂງແຮງ, ຊຸກຍູ້ການພົວພັນກັບປະເທດໃຫຍ່ຕົ້ນຕໍ, ສົ່ງເສີມຂໍ້ລິເລິ່ມວ່າດ້ວຍການຮ່ວມມືທີ່ສຳຄັນ ເຊັ່ນ ແລວທາງເສດຖະກິດເສັ້ນທາງສາຍໄໝ ແລະ ເສັ້ນທາງສາຍໄໝທາງທະເລ) ເປັນຕົ້ນ. ຈີນໄດ້ເສີນຂະຫຍາຍບົດບາດລັກສະນະສ້າງສັນໃນດ້ານການແກ້ໄຂບັນຫາຈຸດສຸມ ເຊັ່ນ ບັນຫາຊີຣີ ແລະ ບັນຫາອີຣານເປັນຕົ້ນໂດຍຜ່ານຊ່ອງທາງການທູດ.
ທ່ານວາງອີ້ກ່າວວ່າ, "ປີ 2014, ການຕ່າງປະເທດຈີນຈະສືບຕໍ່ບຸກໜ້າບືນຕົວ" ຈະເພີ່ມທະວີການພົວພັນແບບໄມຕີຈິດມິດຕະພາບກັບປະເທດຕ່າງໆໃນໂລກ ໂດຍສະເພາະແມ່ນປະເທດໃກ້ຄຽງ.
ທ່ານວາງອີ້ກ່າວວ່າ, ຈີນຈະຕັ້ງໜ້າເສີມຂະຫຍາຍບົດບາດທີ່ເປັນປະເທດໃຫຍ່ທີ່ຮັບຜິດຊອບຢ່າງເປັນເຈົ້າການກວ່າເກົ່າ, ສະໜັບສະໜູນຄວາມທ່ຽງທຳ, ຂະຫຍາຍຄວາມຍຸດຕິທຳ ແລະ ປະຕິບັດຕາມຫຼັກການສະເໝີພາບໃນການໄປມາຫາສູ່ສາກົນ, ໂດຍສະເພາະແມ່ນຮັກສາ ແລະ ຊຸກຍູ້ສິດຜົນປະໂຫຍດອັນຊອບທຳຂອງປະເທດທີ່ພວມພັດທະນາອັນໄພສານ, ຊຸກຍູ້ລະບຽບການສາກົນຂະຫຍາຍໄປທິດທີ່ຍຸດຕິທຳກວ່າເກົ່າ ແລະ ສົມເຫດສົມຜົນກວ່າເກົ່າ.
