ຕາມຂ່າວCRI: ໃນຕອນເຊົ້າວັນທີ 9 ມີນານີ້, ກອງປະຊຸມຄັ້ງທີ 2 ຂອງສະພາປະຊາຊົນແຫ່ງຊາດຈີນສະໄໝທີ 12 ຈັດກອງປະຊຸມຄົບຄະນະຄັ້ງທີ 2 ຢູ່ຫໍສະພາປະຊາຊົນ, ໂດຍໄດ້ຮັບການມອບໝາຍຈາກຄະນະປະຈຳສະພາປະຊາຊົນແຫ່ງຊາດຈີນ, ທ່ານຈ່າງເຕີຈ່ຽງ, ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ຜ່ານບົດລາຍງານວຽກງານຕໍ່ກອງປະຊຸມໃຫຍ່, ບົດລາຍງານວຽກງານລວມທັງສອງພາກສ່ວນ: ວຽກງານຕົ້ນຕໍໃນປີທີ່ຜ່ານມາ, ໜ້າທີ່ຕົ້ນຕໍໃນ 1 ປີຕໍ່ໜ້າ.
ທ່ານຈ່າງເຕີຈ່ຽງໄດ້ຫວນຄືນເຖິງວຽກງານຕົ້ນຕໍໃນປີຜ່ານມາໃນ 7 ດ້ານ, ລວມທັງການຈັດສັນແລະຈັດວາງວຽກງານຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ; ຖືການຍົກສູງຄຸນະພາບການນິຕິບັນຍັດເປັນແກນກາງ, ເຮັດໃຫ້ວຽກງານນິຕິບັນຍັດໄດ້ມີບາດກ້າວໃໝ່;ຖືການເພີ່ມທະວີປະສິດທິຜົນດ້ານການຕິດຕາມກວດກາດເປັນວຽກງານຈຸດໜັກ, ເຮັດໃຫ້ວຽກງານຕິດຕາມກວດກາໄດ້ຮັບຄວາມຄືບໜ້າໃໝ່;ສະໜັບສະໜູນແລະຮັບປະກັນໃຫ້ຜູ້ແທນປະຕິບັດໜ້າທີ່ຕາມກົດໝາຍ, ເສີມຂະຫຍາຍບົດບາດຂອງຜູ້ແທນຢ່າງເຕັມທີ ; ຮັບໃຊ້ວຽກງານການຕ່າງປະເທດແຫ່ງຊາດ, ເພີ່ມທະວີການໄປມາຫາສູ່ກັບຕ່າງປະເທດຂອງສະພາປະຊາຊົນ ; ເພີ່ມທະວີການຄົ້ນຄວ້າກ່ຽວກັບລະບອບສະພາແຜູ້ແທນປະຊາຊົນ, ປັບປຸງວຽກງານການໂຄສະນາຂ່າວສານຂອງສະພາປະຊາຊົນໃຫ້ສົມບູນກວ່າເກົ່າ ; ເພີ່ມທະວີການກໍ່ສ້າງສັນຕົນເອງຂອງຄະນະປະຈຳສະພາປະຊາຊົນແຫ່ງຊາດຢ່າງແທ້ຈິງແລະອື່ນໆ.
ກ່ຽວກັບວຽກງານໃນປີຕໍ່ໄປນີ້, ທ່ານຈ່າງເຕີຈ່ຽງໄດ້ສະເໜີຄວາມຕ້ອງການລວມດ້ານວຽກງານຂອງຄະນະປະຈຳສະພາປະຊາຊົນແຫ່ງຊາດ, ແລະໄດ້ບັນລະຍາຍເນື້ອໃນດ້ານຕ່າງໆ, ເຊັ່ນ: ການເພີ່ມທະວີການນິຕິບັນຍັດໃນຂົງເຂດ, ການຕັ້ງໜ້າຊຸກຍູ້ໃຫ້ວຽກງານນິຕິບັນຍັດຖືກຕ້ອງຕາມຫຼັກວິທະຍາສາດແລະປະຊາທິປະໄຕ; ນຳໃຊ້ສິດການຕິດຕາມກວດກາດຕາມກົດໝາຍ, ເພີ່ມທະວີການຕິດຕາມກວດກາຕໍ່ "ລັດຖະບານຈີນ, ສານປະຊາຊົນແລະອົງການໄອຍະການປະຊາຊົນ"; ສືບຕໍ່ເພີ່ມທະວີແລະປັບປຸງການບໍລິການຂອງຜູ້ແທນ, ການໄປມາຫາສູ່ກັບຕ່າງປະເທດ, ການກໍ່ສ້າງຕົນເອງແລະອື່ນໆ.