ປະທານສະພາປະຊາຊົນແຫ່ງຊາດຈີນກ່າວວ່າປີນີ້ຕ້ອງສຸມໃສ່ການຍົກສູງຄຸນນະພາບດ້ານນິຕິບັນຍັດ
2014-03-10 11:15:30 cri
ຕອນເຊົ້າວັນທີ 9 ມີນານີ້,ທ່ານຈ່າງເຕີຈ່ຽງ ປະທານສະພາປະຊາຊົນແຫ່ງຊາດຈີນໄດ້ລາຍງານວຽກງານຂອງຄະນະປະຈຳສະພາປະຊາຊົນແຫ່ງຊາດຕໍ່ກອງປະຊຸມເທື່ອທີ 2 ຂອງສະພາປະຊາຊົນແຫ່ງຊາດຈີນຊຸດທີ 12 , ທ່ານກ່າວວ່າ, ຄຸນນະພາບດ້ານນິຕິບັນຍັດແມ່ນພົວພັນໂດຍກັງກັບຄຸນນະພາບຂອງການປົກຄອງລັດຕາມກົດໝາຍ. ຍິ່ງເນັ້ນໜັກການປົກຄອງລັດຕາມກົດໝາຍຫຼາຍເທົ່າໃດ, ກໍ່ຍິ່ງຕ້ອງເອົາໃຈໃສ່ການຍົກສູງຄຸນນະພາບດ້ານນິຕິບັນຍັດໃຫ້ຫຼາຍຂຶ້ນເທົ່ານັ້ນ. ຄວນຖືການສົ່ງເສີມການສ້າງກົດໝາຍຕາມຫຼັກວິທະຍາສາດແລະສ້າງກົດໝາຍຢ່າງມີປະຊາທິປະໄຕເປັນຊ່ອງທາງພື້ນຖານໃນການຍົກສູງຄຸນນະພາບດ້ານນິຕິບັນຍັດ, ເຮັດໃຫ້ການສ້າງກົດໝາຍຕາມຫຼັກວິທະຍາສາດກັບການສ້າງກົດໝາຍຢ່າງມີປະຊາທິປະໄຕເປັນເອກະພາບກັນກັບການປະຕິບັດຕົວຈິງແຫ່ງການປົກຄອງລັດຕາມກົດໝາຍສັງຄົມນິຍົມທີ່ມີສີສັນພິເສດຂອງຈີນ, ແລະຜັນຂະຫຍາຍການປະຕິບັດຕົວຈິງເຂົ້າໃນທົ່ວຂະບວນການແລະດ້ານຕ່າງໆຂອງວຽກງານນິຕິບັນຍັດ.