ເລຂາທິການຄະນະກວດກາວິໄນສູນກາງພັກຄອມມູນິດຈີນກ່າວວ່າ ການລາດຕະເວນກວດກາເປັນມາດຕະການສຳຄັນໃນການເພີ່ມທະວີການກວດກາພາຍໃນພັກແລະການຄຸ້ມຄອງພັກຢ່າງເຂັ້ມງວດ

ຕອນເຊົ້າວັນທີ 10 ມີນານີ້, ທ່ານຫວາງສືຊ່ານ ກຳມະການປະຈຳກົມການເມືອງສູນກາງພັກ ເລຂາທິການຄະນະກວດກາວິໄນສູນກາງພັກຄອມມູນິດຈີນໄດ້ເຂົ້າຮ່ວມການພິຈາລະນາຂອງຄະນະຜູ້ແທນແຂວງຈີລິນທີ່ເຂົ້າຮ່ວມກອງປະຊຸມເທື່ອທີ 2 ຂອງສະພາປະຊາຊົນແຫ່ງຊາດຈີນຊຸດທີ 12.

ພາຍຫຼັງຕັ້ງໃຈຮັບຟັງການປະກອບຄຳຄິດຄຳເຫັນຂອງຜູ້ແທນທັງຫຼາຍແລ້ວ, ທ່ານຫວາງສືຊ່ານກ່າວເນັ້ນວ່າ, ການລາດຕະເວນກວດກາເປັນມາດຕະການສຳຄັນໃນການເພີ່ມທະວີການກວດກາພາຍໃນພັກແລະການຄຸ້ມຄອງພັກຢ່າງເຂັ້ມງວດ. ປີນີ້ຕ້ອງສືບຕໍ່ຜັນຂະຫຍາຍເນື້ອໃນຈິດໃຈຂອງກອງປະຊຸມໃຫຍ່ຄັ້ງທີ 18 ຂອງພັກແລະຄຳປາໄສຕ່າງໆຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກ, ປັບປຸງລະບຽບການລາດຕະເວນກວດກາຂັ້ນສູນກາງແລະຂັ້ນແຂວງ,ເຂດປົກຄອງຕົນເອງແລະກຳແພງນະຄອນ, ຄ່ອຍໆບັນລຸການປະຕິບັດລະບຽບລາດຕະເວນກວດກາຢູ່ຂັ້ນທ້ອງຖິ່ນ, ຂະແໜງການ,ພາກສ່ວນວິສາຫະກິດ,ໜ່ວຍງານວິຊາການແລະໜ່ວຍງານບໍລິຫານທຸກແຫ່ງຢ່າງທົ່ວເຖິງ.