ໃນເວລາລາຍງານວຽກງານລັດຖະບານໃນກອງປະຊຸມປະຈຳປີຂອງສະພາຜູ້ແທນປະຊາຊົນແຫ່ງຊາດຈີນໃນວັນທີ 5 ມີນານີ້, ທ່ານຫຼີເຄີ້ສ໋ຽງ, ນາຍົກລັດຖະມົນຕີຈີນຊີ້ອອກວ່າ, ປີນີ້ຄວນເລັ່ງລັດວາງແຜນແລະສ້າງເຂດເສດຖະກິດເສັ້ນທາງສາຍໄໝທາງໃຕ້ຂອງຈີນ ແລະເຂດເສດຖະກິດເສັ້ນທາງສາຍໄໝທາງທະເລສັດຕະວັດທີ 21, ຊຸກຍູ້ການສ້າງແລວທາງເສດຖະກິດບັງກລາເດັດ-ຈີນ-ອິນເດຍແລະມຽນມາ ແລະແລວທາງເສດຖະກິດຈີນ-ປາກີສະຖານ.ຍ້ອນມີທ່າແຮງດ້ານທີ່ຕັ້ງພູມສາດ, ແຂວງຢຸນນານຂອງຈີນຈະສາມາດເສີມຂະຫຍາຍບົດບາດທີ່ສຳຄັນໄດ້. ທ່ານຫຼີຮ້ານໂປ໋ ກຳມະການສະພາປຶກສາການເມືອງປະຊາຊົນແຫ່ງຊາດທີ່ມາຈາກແຂວງຢຸນນານຈີນເຫັນວ່າ, ການໄຂປະຕູສູ່ພາຍນອກຂອງຈີນຄວນມີຈຸດສຳຄັນ, ການສ້າງແລວທາງເສດຖະກິດທີ່ອວ່າຍໜ້າໄປສູ່ອາຊີຕາເວັນອອກສຽງໃຕ້ແລະອາຊີໃຕ້ມີຄວາມສຳຄັນຫຼາຍ.
ທ່ານຫຼີຮ້ານໂປ໋ກ່າວຕື່ມວ່າ: ເວົ້າສຳລັບແຂວງຢຸນນານຂອງຈີນແລ້ວ, ການໄຂປະຕູສູ່ພາຍນອກມີຄວາມສຳຄັນຢ່າງຮອບດ້ານ. ແຕ່ວ່າການໄຂປະຕູສູ່ພາຍນອກ, ການພັດທະນາໄປສູ່ພາຍນອກແລະການນຳເຂົ້າຄວນມີຈຸດສຳຄັນ. ການສ້າງແຂວງຢຸນນານໃຫ້ເປັນປ້ອມດ່ານໜ້າການຄ້າແລະການສ້າງທາງຫຼວງແຫ່ງເສດຖະກິດ, ຈຸດສຳຄັນກໍ່ແມ່ນອວ່າຍໜ້າໄປສູ່ອາຊີຕາເວັນອອກສຽງໃຕ້ແລະອາຊີໃຕ້. ເຮັດຄືແນວນີ້ຈະຖືກຕ້ອງຕາມຄວາມເປັນຈິງ,ທັງຈະໄດ້ຮັບຜົນປະໂຫຍດທີ່ໃຫຍ່ຫຼວງກວ່າ.
 |
