ກອງປະຊຸມເທື່ອທີ 5 ຂອງຄະນະປະຈຳສະພາປຶກສາການເມືອງປະຊາຊົນແຫ່ງຊາດຈີນຊຸດທີ 12 ໄດ້ໄຂຂຶ້ນໃນຕອນບ່າຍວັນທີ 11 ມີນານີ້ຢູ່ນະຄອນຫຼວງປັກກິ່ງໂດຍການເປັນປະທານຂອງທ່ານຢູເຈີ້ງເຊິ່ງ ກຳມະການປະຈຳກົມການເມືອງສູນກາງພັກຄອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນ.
ກອງປະຊຸມໄດ້ຮັບຮອງເອົາຮ່າງມະຕິກ່ຽວກັບບົດລາຍງານວຽກງານຄະນະປະຈຳຂອງກອງປະຊຸມເທື່ອທີ 2 ຂອງສະພາປຶກສາການເມືອງປະຊາຊົນແຫ່ງຊາດຈີນ, ຮັບຮອງເອົາຮ່າງບົດລາຍງານຂອງຄະນະກຳມາທິການຍັດຕິສະເໜີສະພາປຶກສາການເມືອງປະຊາຊົນແຫ່ງຊາດຈີນວ່າດ້ວຍການພິຈາລະນາກວດກາຍັດຕິສະເໜີຂອງກອງປະຊຸມເທື່ອທີ 2 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 12, ແລະຮັບຮອງເອົາຮ່າງມະຕິການເມືອງຂອງກອງປະຊຸມເທື່ອທີ 2 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 12. ກອງປະຊຸມຕົກລົງຈະຍື່ນເອກະສານດັ່ງກ່າວນີ້ໃຫ້ກອງປະຊຸມໃນວາລະສຸດທ້າຍຂອງກອງປະຊຸມເທື່ອທີ 2 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 12 ທີ່ຈະຈັດຂຶ້ນໃນວັນທີ 12 ມີນານີ້ ນຳໄປພິຈາລະນາ.