ກອງປະຊຸມເທື່ອທີ 2 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 12 ໄດ້ປະຕິບັດວຽກງານວາລະ ດ້ານຕ່າງໆດ້ວຍຜົນສຳເລັດອັນຈົບງາມແລະ ໄດ້ອັດລົງໃນຕອນເຊົ້າວັນທີ 12 ມີນານີ້ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.
ເວລາ 9 ໂມງຂອງວັນທີ 12 ມີນານີ້, ທ່ານສີຈິ້ນຜິງ, ທ່ານຫຼີ້ເຄີສຽງ, ທ່ານຈ່າງເຕີຈ່ຽງ, ທ່ານຢູເຈີ້ງເຊິ່ງ, ທ່ານຫຼິວຢຸນຊ່ານ, ທ່ານຫວາງສີຊ່ານແລະທ່ານຈ່າງກ່າວລີ້ໄດ້ຍ່າງເຂົ້າຫ້ອງປະຊຸມ,ແລ້ວເຂົ້າປະຈຳທີ່ຢູ່ບ່ອນນັ່ງຂອງຄະນະປະທານ. ກຳມະການສະພາປຶກສາການເມືອງປະຊາຊົນແຫ່ງຊາດ 2136 ຄົນໄດ້ເຂົ້າຮ່ວມກອງປະຊຸມໃນຄັ້ງນີ້ ໂດຍການເປັນປະທານຂອງທ່ານຢູເຈີ້ງເຊິ່ງ ປະທານສະພາປຶກສາການເມືອງປະຊາຊົນແຫ່ງຊາດຈີນ. ນີ້ແມ່ນກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນຄັ້ງທຳອິດພາຍຫຼັງທີ່ຈີນໄດ້ເຂົ້າສູ່ໄລຍະການລົງເລິກການປະຕິຮູບຢ່າງຮອບດ້ານ.
ໃນວາລະສຸດທ້າຍຂອງກອງປະຊຸມ ຍັງໄດ້ຮັບຮອງເອົາມະຕິວ່າດ້ວຍບົດລາຍງານວຽກງານຂອງຄະນະປະຈຳສະພາປຶກສາການເມືອງປະຊາຊົນແຫ່ງຊາດຈີນ, ແລະບົດລາຍງານວ່າດ້ວຍສະພາບການພິຈາລະນາກວດກາຍັດຕິສະເໜີຕ່າງໆ.