ນາຍົກຈີນ: ສັນຕິພາບ, ມິດຕະພາບ ແລະຢູ່ຮ່ວມກັນໂດຍສັນຕິແມ່ນຄວາມປາຖະໜາຂອງປະຊາຊົນປະເທດອ້ອມຂ້າງ

    ວັນທີ 13 ມີນານີ້ ຢູ່ທີ່ປັກກິ່ງ, ທ່ານຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ: "ຂ້າພະເຈົ້າຄິດວ່າ, ສັນຕິພາບ, ມິດຕະພາບ ແລະຢູ່ຮ່ວມກັນໂດຍສັນຕິ ແມ່ນຄວາມປາຖະໜາຂອງປະຊາຊົນປະເທດອ້ອມຂ້າງ, ພວກເຮົາຄວນພະຍາຍາມຮ່ວມກັນໃນການເປີດກວ້າງຜົນປະໂຫຍດຮ່ວມ, ແລະຫຼຸດຄວາມຂັດແຍ້ງກັນໃຫ້ໜ້ອຍລົງ, ເມື່ອເຮັດແນວນີ້ແລ້ວ ກໍສາມາດຢູ່ຮ່ວມກັນໄດ້ຢ່າງຖືກຕ້ອງປອງດອງກັນ, ທັງເປັນການສ້າງຄວາມສຸກໃຫ້ແກ່ປະຊາຊົນ."

    ພາຍຫຼັງກອງປະຊຸມສະພາຜູ້ແທນປະຊາຊົນແຫ່ງຊາດຈີນຄັ້ງທີ 2 ສະໄໝທີ 12 ສິ້ນສຸດລົງແລ້ວ, ທ່ານຫຼີເຄີ້ສຽງ ນາຍັກລັດຖະມົນຕີຈີນໄດ້ພົບປະກັບນັກຂ່າວຈີນແລະຕ່າງປະເທດ, ແລະໄດ້ຕອບຄຳຖາມຂອງນັກຂ່າວ. ໃນເວລາຕອບຄຳຖາມກ່ຽວກັບອະນາຄົດຂອງການພົວພັນລະຫວ່າງຈີນກັບປະເທດອ້ອມຂ້າງນັ້ນ, ທ່ານຫຼີເຄີ້ສຽງໄດ້ໃຫ້ຄຳຕອບຄືດັ່ງທີ່ກ່າວມານັ້ນ.

    ທ່ານກ່າວວ່າ, ລະຫວ່າງປະເທດໃກ້ຄຽງ ແມ່ນຫຼີກເວັ້ນບໍ່ໄດ້ວ່າຈະເກີດມີສະພາບຂັດແຍ້ງກັນ, ຂໍແຕ່ວ່າພວກເຮົາເຄົາລົບເຊິ່ງກັນແລະກັນ, ຄວບຄຸມຄວາມຂັດແຍ້ງກັນ, ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນແລ້ວ, ສຽງທີ່ຂັດກັນນັ້ນຄວນແມ່ນສຽງທີ່ມ່ວນຫູ, ຫາກບໍ່ແມ່ນສຽງນັນແຊວທີ່ຂັດຫູ.