ວັນທີ 26 ມິນານີ້, ເວທີປຶກສາຫາລືອາຊີປໍອາວໄດ້ເປີດເຜີຍບົດລາຍງານວ່າດ້ວຍການພັດທະນາຂອງອົງກອນເສດຖະກິດຈະເລີນໃໝ່ຂອງເວທີປຶກສາຫາລືອາຊີປໍອາວປະຈໍາປີ 2014 ໂດຍກ່າວວ່າ, ໃນປີ 2013, ພາຍໃຕ້ເບື້ອງຫຼັງທີ່ເສດຖະກິດໂລກຂະຫຍາຍຕົວຊ້າລົງ, ອົງກອນເສດຖະກິດທີ່ພັດທະນາໃໝ່ຈະສືບຕໍ່ຮັກສາທ່າທ່ຽງການເຕີບໂຕຂອງເສດຖະກິດໃນປີກາຍນີ້ ແລະເພີ່ມກໍາລັງຊຸກຍູ້ໃຫ້ແກ່ການຟື້ນຟູຂອງເສດຖະກິດໂລກ.
ບົດລາຍງານຊີ້ອອກວ່າ, ໃນການຮ່ວມມືດ້ານເສດຖະກິດກັບຕ່າງປະເທດ, E11 ໄດ້ມີການຕິດຕໍ່ພາຍໃນທີ່ນັບມື້ນັບແໜ້ນແຟ້ນຂຶ້ນກວ່າເກົ່າ, ການພົວພັນດ້ານການຄ້າພາຍໃນ E11 ນັບມື້ນັບເພີ່ມຂຶ້ນ, ສ່ວນການພົວພັນດ້ານການຄ້າລະຫວ່າງ E11 ກັບອົງກອນເສດຖະກິດທີ່ພັດທະນາແລ້ວມີທ່າອ່ຽງຫຼຸດລົງ. E11 ແມ່ນ 11 ອົງກອນເສດຖະກິດທີ່ພັດທະນາໃໝ່ໃນກຸ່ມ G20 ຄືອາກຊັງຕິນ, ເບຣຊິນ, ຈີນ, ອິນເດຍ, ອິນໂດເນເຊຍ, ສ.ເກົາຫຼີ, ແມັກຊິກ, ຣັດເຊຍ, ອາຣັບບີຊາອຸດິດ, ອາຟຣິກາໃຕ້ແລະຕວກກີ.