ເວທີປຶກສາຫາລືອາຊີໂປອາວຈະໄຂຂຶ້ນຢູ່ແຂວງໄຫຫຼຳຂອງຈີນໃນວັນທີ 8 ເມສານີ້. ໃນນາມເປັນໜຶ່ງໃນບັນດາເວທີສົນທະນາຊັ້ນສູງທີ່ສຳຄັນຂອງອາຊີ, ເວທີປຶກສາຫາລືອາຊີໂປອາວໄດ້ກຳນົດຫົວຂໍ້ຫຼັກທີ່ວ່າ ອະນາຄົດໃໝ່ຂອງອາຊີ: ສະແຫວງຫາແລະປ່ອຍກຳລັງແຮງໃໝ່ເພື່ອຊຸກຍູ້ການພັດທະນາ.
ທ່ານໂຈ່ວເວີນຈົ້ງ ເລຂາທິການໃຫຍ່ເວທີປຶກສາຫາລືອາຊີໂປອາວໄດ້ໃຫ້ສຳພາດຕໍ່ນັກຂ່າວໃນກ່ອນໜ້ານີ້ວ່າ, ປີ 2014ນີ້, ອາຊີແລະອົງກອນເສດຖະກິດທີ່ພັດທະນາໃໝ່ຈະຢູ່ໃນໄລຍະທີ່ເປັນກຸນແຈສຳຄັນແຫ່ງການປະຕິຮູບ. ຈີນ,ອິນເດຍ, ອິນໂດເນເຊຍແລະປະເທດອື່ນໆລ້ວນແຕ່ກຳລັງອອກແຮງສົ່ງເສີມວາລະການປະຕິຮູບ. ເວທີປຶກສາຫາລືອາຊີໂປອາວຫວັງຢາກຜ່ານຈາກການແລກປ່ຽນຄວາມຄິດຄວາມເຫັນຂອງຜູ້ນຳວົງການການເມືອງ,ການຄ້າແລະວິຊາການ, ເຕົ້າໂຮມຄວາມຮັບຮູ້ທີ່ເປັນເອກະສັນກັນ,ເພື່ອຄົ້ນຄວ້າຈຸດເລີ່ມຕົ້ນແລະແນວຄວາມຄິດໃໝ່ຂອງການປະຕິຮູບຮອບໃໝ່. ກອງປະຊຸມເວທີປຶກສາຫາລືໃນຄັ້ງນີ້ວາລະປະຊຸມທີ່ດຳເນີນການປຶກສາຫາລືໂດຍປິ່ນອ້ອມ 3 ຫົວຂໍ້ຄື ການປະຕິຮູບ, ການປະດິດສ້າງແລະການພັດທະນາແບບຍືນຍົງ, ໂດຍຈະຈັດໃຫ້ມີການປຶກສາຫາລືຢ່າງເປັນທາງການ 60 ເທື່ອ.
ເວທີປຶກສາຫາລືອາຊີໂປອາວປະຈຳປີ 2014ນີ້ໄດ້ວາງໂຄງການນັກສັງເກດໜຸ່ມ ເປັນເທື່ອທຳອິດ, ທ່ານໂຈ່ວເວິນຈົ້ງກ່າວວ່າ, ຜ່ານມາຜູ້ທີ່ເຂົ້າຮ່ວມເວທີປຶກສາຫາລືຕົ້ນຕໍແມ່ນບຸກຄົນວົງການການຄ້າທີ່ມີຜົນສຳເລັດສູງແລະຜູ້ອາວຸໂສຂອງວົງການການເມືອງ, ແຕ່ມີຊາວໜຸ່ມເຂົ້າຮ່ວມບໍ່ຫຼາຍປານໃດ. ໂຄງການນີ້ມີຈຸດປະສົງເພື່ອຫວັງຢາກໃຫ້ຊາວໜຸ່ມໃນພາກພື້ນແລະຂະແໜງການຕ່າງໆມີສ່ວນຮ່ວມໃນເວທີປຶກສາຫາລືຫຼາຍຂຶ້ນກວ່າເກົ່າ, ເພື່ອໃຫ້ເຂົາເຈົ້າປະກອບຄຳຄິດຄຳເຫັນຂອງຕົນ, ເຮັດໃຫ້ເວທີປຶກສາຫາລືອາຊີໂປອາວກາຍເປັນເວທີທີ່ມີຄວາມຫຼາກຫຼາຍແລະຄວາມຜ່ອນພັນຫຼາຍກວ່າເກົ່າ.
 |
