ວັນທີ 8 ເມສານີ້, ພິທີໄຂງານວາງສະແດງຮູບຖ່າຍ "ຄົ້ນຫາຄວາມງາມຂອງອາຊີ" ທີ່ວິທະຍຸສາກົນແຫ່ງປະເທດຈີນ, ເວທີປຶກສາຫາລືອາຊີໂປອາວ, ຄະນະໂຄສະນາອົບຮົມແຂວງໄຫຫຼຳແລະສະຖານີວິທະຍຸໂທລະພາບໄຫຫຼຳຮ່ວມກັນຈັດຂຶ້ນໄດ້ຈັດຂຶ້ນຢູ່ໂປອາວແຂວງໄຫຫຼຳ.
ທ່ານຫວາງເກິ່ງໜຽນ, ຜູ້ອຳນວຍການໃຫຍ່ວິທະຍຸສາກົນແຫ່ງປະເທດຈີນເຊິ່ງເປັນເຈົ້າພາບໜຶ່ງຂອງກິດຈະກຳດັ່ງກ່າວກ່າວວ່າ, ໃນຖານະເປັນກິດຈະກຳໜຶ່ງໃນກິດຈະກຳສື່ມວນຊົນຕ່າງໆຂອງ "ເສັ້ນທາງສາຍໄໝທາງທະເລໃໝ່", ເປົ້າໝາຍຂອງງານວາງສະແດງຮູບຖ່າຍ "ຄົ້ນຫາຄວາມງາມຂອງອາຊີ" ແມ່ນເພື່ອເພີ່ມການແລກປ່ຽນມິດຕະພາບລະຫວ່າງປະຊາຊົນຂອງໂລກ. ໃນອະນາຄົດ, ວິທະຍຸສາກົນແຫ່ງປະເທດຈີນຈະເພີ່ມຮູບການແລະເນື້ອໃນຂອງກິດຈະກຳດັ່ງກ່າວຢ່າງບໍ່ຢຸດຢັ້ງ, ແລະຮ່ວມກັບອົງການຈັດຕັ້ງຕ່າງໆເຊັ່ນເວທີປຶກສາຫາລືອາຊີໂປອາວເປັນຕົ້ນສ້າງ "ເສັ້ນທາງສາຍໄໝທາງທະເລໃໝ່" ໃຫ້ເປັນກິດຈະກຳທີ່ຕິດຕໍ່ອາຊີແລະກະທົບເຖິງທົ່ວໂລກ.
 |
